Dafne (ópera)
| Dafne | |
|---|---|
 Dafne perseguida por Apolo, por Giovanni Battista Tiepolo (1744). | |
| Forma | Ópera |
| Idioma orixinal do libreto | Italiano |
| Libretista | Ottavio Rinuccini |
| Estrea | 1598 |
| Teatro da estrea | Palazzo Corsi |
| Lugar da estrea | Florencia |
| Música | |
| Compositor | Jacopo Peri |
| Localización da partitura | Perdida |
| Personaxes | |
Ovidio | |
Dafne é a primeira obra que pode ser considerada unha ópera segundo as convencións actuais,[1][2][3] con música de Jacopo Peri e libreto en italiano de Ottavio Rinuccini. Aínda que o libreto sobreviviu completo (e consérvase na New York Public Library), a meirande parte da música composta por Peri perdeuse, sobrevivindo só seis fragmentos, dos cales dous pertencen a Jacopo Corsi. Dafne foi estreada durante o Entroido de 1598.
Historia
[editar | editar a fonte]Dafne foi escrita para un conxunto máis pequeno que o das óperas posteriores de Claudio Monteverdi, isto é, un harpsicordio, un laúde, unha viola da gamba, un arquilaúde, e unha frauta tripe.[4] Sobre a base dun novo desenvolvemento do tempo, Peri creou recitativos, discursos melódicos acompañados por música, como unha parte central da ópera.[5]
A historia de Apolo namorado da ninfa Dafne, foi composta por Jacopo Peri para un círculo reducido da elite de humanistas de Florencia, a Camerata Florentina, entre 1594 e 1597, co apoio, e posiblemente a colaboración, do compositor e mecenas Jacopo Corsi.[6][7] Foi representada probablemente en 1597 ou 1598 no Palazzo Corsi.[7] e constitúe a tentativa de facer revivir a traxedia grega,[4] segundo novos ditados, moi lonxe do que os antigos gregos terían aprobado,[8] mais converteuse nun novo xeito de entretemento que se desenvolvería nos seguintes 400 anos.
A meirande parte da música de Peri está, non obstante, perdida, a pesar da súa popularidade en Europa no tempo da súa publicación, mais ten chegado aos nosos días o libreto constituído por 455 versos. A familia florentina dos Medici, señores de Florencia, quedou tan impresionada co traballo encargado a Peri que a opera Euridice foi representada en ocasión do matrimonio de María de Medici con Henrique IV no 1600.[9][10]
Partes destacadas
[editar | editar a fonte]- "Almo dio che 'l carro ardente.."
- "Da fortunati campi ove immortali.."
- "Non curi la mia pianta o fiammaa o gelo.."
Notas
[editar | editar a fonte]- ↑ JSTOR.org "Dafne", the First Opera. A Chronological Study
- ↑ "ABC.net.au How the Quest Was Won". Arquivado dende o orixinal o 09 de novembro de 2012. Consultado o 20 de decembro de 2012.
- ↑ NYTimes.com " TRAVEL ADVISORY; Opera's 400th Birthday Is Celebrated in Vienna"
- ↑ 4,0 4,1 NewAdvent.org
- ↑ Jacopo Peri – Dafne page
- ↑ JSTOR Peri and Corsi's "Dafne": Some New Discoveries and Observations, William V. Porter; Journal of the American Musicological Society, Vol. 18, No. 2 (Summer, 1965), pp. 170–196
- ↑ 7,0 7,1 NNDB's Jacopo Peri page
- ↑ Jacopo Peri - Dafne page
- ↑ "News.com.au". Arquivado dende o orixinal o 28 de xullo de 2007. Consultado o 28 de xullo de 2007.
- ↑ MusicWithEase.com "Opera Before Gluck
Véxase tamén
[editar | editar a fonte] |
A Galipedia ten un portal sobre: Ópera |
