Ctesias

Ctesias

Biografía
Nacemento	século V a. C. Cnido, Turquía
Morte	século IV a. C. Cnido, Turquía
Actividade
Lugar de traballo	Anatolia Asia Minor (en)
Ocupación	médico, escritor, historiador, indólogo
Período	Antigüidade clásica
Período de actividade	século V a. C. - século IV a. C.
Descrito pola fonte	Realʹnyj slovarʹ klassičeskih drevnostej po Lûbkeru The Nuttall Encyclopædia >>>:Ctesias Dicionario Enciclopédico Brockhaus e Efron

Ctesias, nado en Cnido no século -V e finado no século -IV, foi un historiador grego e médico de Artaxerxes Mnemón na corte de Persia. Acompañouno na súa expedición do ano -401 contra o seu irmán Ciro o Xove.

Traxectoria

É o autor dunha Historia de Persia, ou Pérsica en 23 libros en dialecto xónico desde as orixes até o -389 seguindo o modelo de Heródoto, mais introducindo elementos novelescos. Consérvase un fragmento extenso en papiro, así como un resumo de Focio (século IX) e fragmentos reproducidos por Plutarco e Diodoro Sículo. Redactou tamén tratados sobre os ríos e sobre a economía persa, e unha descrición da India.

Os primeiros seis libros da Pérsica tratan da historia de Asiria e Babilonia até a fundación do Imperio Persa. Escribiunos en oposición a Herodoto e hoxe estímase que non son moi veraces.