Cristóbal de Mondragón

Cristóbal de Mondragón

Biografía
Nacemento	1514 Medina del Campo, España
Morte	4 de xaneiro de 1596 (81/82 anos) Anveres, Bélxica
Actividade
Ocupación	militar
Período de actividade	1532 (Gregoriano) -
Carreira militar
Rama militar	Infantaría
Rango militar	Maestre de campo (en)

Cristóbal de Mondragón y Otálora de Mercado, coñecido como O Coronel, nado en Medina del Campo contra 1504/1514 e finado en Anveres o 4 de xaneiro de 1596, foi un militar español.

Traxectoria

Nacido en Medina del Campo, o seu pai era natural da vila de Mondragón en Guipúscoa, de onde tomaron o apelido Mondragón y Otálora. A súa nai pertencía á familia Mercado, unha das liñaxes fidalgas máis importantes e poderosos de Medina del Campo.

Alistado no exército en 1532 durante o reinado de Carlos V, serviu como soldado primeiro en Italia e despois en Tunisia, Provenza, Alemaña e Flandres.

Foi unha destacada figura militar do século XVI, coronel dos terzos de Flandres servindo ás ordes do III duque de Alba, de Luís de Requesens, Xoán de Austria, Alexandre Farnesio e Pedro Ernesto de Mansfeld.

Combateu durante as guerras de Flandres contra os exércitos de Guillerme de Orange primeiro e de Mauricio de Nassau despois.

Mercede ao seu talento como estratego débenselle importantes vitorias conseguidas polos terzos españois en Flandres e os Países Baixos nunha época de decadencia do dominio español nesta rexión.

Mondragón potenciou varias técnicas militares como o vadeo de ríos grazas ás mareas e a espionaxe.

Datos da súa vida militar

Mapa dos Países Baixos españois na Guerra de Flandres, no ano 1572.
En vermello, territorios rebeldes; en amarelo, cidades con gornicións españolas; en verde, territorios tomados; en marrón, territorios leais á coroa de España pero autónomos.

Conflitos nos que participou

• Guerra de Esmalcalda
  • Batalla de Mühlberg
• Guerra de Flandres
  • Socorro de Goes
  • Asedio de Maastricht
  • Asedio de Anveres

Mandos que ostentou

• Capitán Xeneral de Zelandia
• coronel de Valóns
• Mestre de Campo do Terzo Vello
• Mestre de Campo Xeneral do exército de Flandres
• Capitán Xeneral do exército do Brabante
• Gobernador de Gante
• Gobernador de Anveres
• Gobernador de Damvillers

Títulos nobiliarios

• Señor de Émerchicourt
• Señor de Luz
• Señor de Guzanville

Véxase tamén

Bibliografía

• "El Coronel Cristóbal de Mondragón. Apuntes para su biografía." por Don Angel Salcedo Ruiz. Madrid 1905. Marceliano Tabarés, impresor.
• "Memorias de la Real Academia de la Historia" Real Academia de la Historia, 1805.
• "Diccionario geogrático-histórico de España" Angel Casimiro de Guvantes. Real Academia de la Historia. Imprenta de la viuda de J. Ibarra, 1802.
• "Recuerdos Españoles en Flandes" Antonio Bermejo Herreros. Editorial Visión Libros.
• "Nueva colección de documentos inéditos para la historia de España y de sus indias." Francisco de Zalálburu, José León Sancho Rayón & José Sancho Rayon. Publicado por M. G. Hernández, 1892.
• "Colección de documentos inéditos para la historia de España." Martín Fernández de Navarrete & José León Sancho Rayón. Publicado por Imprenta de la viuda de Calero, 1880.
• "Revista de archivos, bibliotecas y museos." Consejo Superior de Investigaciones Científicas España. Instituto Nicolás Antonio, Cuerpo Facultativo de Archiveros, Bibliotecarios y Arqueólogos (España). Publicado en 1910.

Ligazóns externas

• Una historia de violencia, artigo de Arturo Pérez-Reverte en XL Semanal (25-09-2011)
• Cuartos de final en Goes, artigo de Arturo Pérez-Reverte en XL Semanal (08-10-2012)