Conversa usuario:Valegonrob
Benvido(a) á Galipedia, Valegonrob!
Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc. | ||
Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores. |
|
Boa estadía e bo traballo.
Ola, Roberto; Benvido á galipedia.
As túas edicións no artigo de Skacha foron borradas porque non se axeitaban ao contido dunha enciclopedia: máis que un artigo sobre a historia ou o estilo do grupo, parecía unha narración para outro contexto. Vou intentar adaptar o texto seguindo o formato wiki, a ver se queda un bo artigo.
Precisamente estiven o sábado no concerto de Pontevedra; tireilles unha foto co móbil, pero aínda non a descarguei; a ver se queda ben.
Un saúdo; anímote a seguir colaborando nese e noutros artigos, e para calquera dúbida non teñas medo de preguntarlle a calquera usuari@ou administrador.
--Estevo(aei)pa o que queiras... 11:30, 16 febreiro 2010 (UTC)
- Ola, Roberto; Rematei (no bo sentido :) ) co artigo de Skacha; bótalle un ollo e fai as correccións que consideres oportunas, penso que a redacción quedou correctiña, mantendo os aspectos "enciclopédicos" da historia da banda e retirando aqueles máis intrascendentes ou mesmo irrelevantes. Outra cousa; cando deixes unha mensaxe na páxina de conversa dun usuario, non esquezas asinala usando o cuarto botón empezando pola dereita que tes enriba do texto que estás a editar.
Ánimo, e ata outra. --Estevo(aei)pa o que queiras... 12:17, 16 febreiro 2010 (UTC)
- Ola! Vexo que xa se solucionou o tema. Vou explica-la miña actuación: a túa edición eliminaba o artigo preexistente, para engadir un artigo que na miña opinión non se axustaba á neutralidade, porque deseguida vin que estaba feito por alguén achegado á banda ou da propia banda (algo que non se pode facer por ir contra as normas da neutralidade e verificabilidade que ten a Wikipedia, ademais de presentar un conflito de intereses). Por iso decidinme a reverte-la edición, independentemente do contido engadido. Espero que se comprenda a miña actuación. Non é nada persoal, senón que tiven que aplica-las normas que rexen ó conxunto das Wikipedias. Un saúdo. Ahh, e non esquezas asina-las mensaxes, para que poda responder. Agora si, saúdos. --Alberte Si, dígame? 16:39, 16 febreiro 2010 (UTC)