Concello de Jokkmokk
| |||||
| Localización | |||||
|---|---|---|---|---|---|
| |||||
| Estado | Suecia | ||||
| Condado | Condado de Norrbotten  | ||||
| Capital | Jokkmokk (pt)  | ||||
| Poboación | |||||
| Poboación | 4.695 (2025) (0,24 hab./km²) | ||||
| Lingua oficial | lingua sueca linguas saamis | ||||
| Xeografía | |||||
| Parte de | |||||
| Superficie | 19.334,08 km² | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1 de xaneiro de 1971 | ||||
| Organización política | |||||
| • Chairman of the municipal board in Jokkmokk Municipality, Sweden (en) | Kent Ögren (1989–2002) Sune Berg (2003–2004) Anna Hövenmark (2004–2004) Sune Berg (2004–2004) Sixten Eriksson (2004–2006) Anna Hövenmark (2007–2010) Stefan Andersson (2011–2014) Robert Bernhardsson (2015–2022) | ||||
| Outro | |||||
| Irmandado con | |||||
| Sitio web | jokkmokk.se | ||||
    | |||||
Jokkmokk é un municipio sueco (kommun) do condado de Norrbotten.[1] Atópase no landskap de Lappland e a súa capital é a localidade de Jokkmokk.
O terreo montañoso cobre unha parte significativa da superficie do municipio e o Parque Nacional Sarek, un dos catro parques nacionais do concello, está considerado no presente a derradeira terra virxe de Europa. Tamén é a natureza, a través dos bosques, a auga, o turismo e a cría de renos, a que forma a base da economía de Jokkmokk.
Dende a fundación do municipio na década de 1970 a tendencia de poboación ten sido negativa. En decembro de 2024 o concello tiña unha poboación de 4 701 habitantes.[2]
Administración histórica
[editar | editar a fonte]Cando se levou a cabo a reforma municipal de 1862 en Laponia en 1874, formouse o municipio rural de Jokkmokk na parroquia do mesmo nome.
A reforma municipal de 1952 non afectou ás divisións da zona, afectando tampouco aos condados de Västerbotten e Norrbotten.[3] Coa reforma municipal de 1971 fundouse o concello de Jokkmokk tras a reorganización do concello rural de Jokkmokk.[4]
Dende o seu nacemento ata o 28 de xaneiro de 2002 o concello pertenceu ao partido xudicial de Boden e dende entón forma parte do de Gällivare.[5]
Xeografía
[editar | editar a fonte]O concello limita ao oeste cos municipios noruegueses de Tysfjord, Hamarøy, Sørfold e Fauske, e cos suecos de Gällivare ao norte, de Boden ao leste, de Älvsbyn ao sueste, e de Arvidsjaur e Arjeplog ao sur. O concello de Jokkmokk é segundo máis grande de Suecia en superficie, sendo un pouco máis grande que o landskap de Värmland, un pouco máis pequeno que o de Ångermanland e o dobre de grande que o de Escania.
Topografía e hidrografía
[editar | editar a fonte]O terreo montañoso cobre unha parte importante do municipio de Jokkmokk, e nel atópase por exemplo o macizo Áhkká, situado no sueste do parque nacional de Stora Sjöfallet. Porén a zona montañosa máis coñecida de Jokkmokk é o parque nacional de Sarek. No presente Sarek é considerado un dos últimas áreas de natureza salvaxe de Europa, con espectaculares vales e maxestosas montañas de ata 2 000 metros sobre o nivel do mar.[6]
Hai grandes masas de auga dentro dos límites do concello, os dous ríos Lule atravesan o municipio e reúnense en Vuollerim para formar o Stora Lule. No municipio existen varias plantas hidroeléctricas entre as que destaca a de Harsprånget, a máis grande de Suecia en termos de produción.[7]
Conservación da natureza
[editar | editar a fonte]No concello de Jokkmokk hai catro parques nacionais: Sarek, Muddus, Padjelanta e Stora Sjöfallet.[8][9]
A reserva natural de Jelka-Rimåkåbbå, que pertence á Rede Natura 2000, foi creada en 2019 e con ela a metade da superficie do concello é espazo natural protexido. Ademais de Jelka-Rimåkåbbå, había 64 reservas naturais no municipio en 2022.[10]
Notas
[editar | editar a fonte]- ↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-08-10.
- ↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-12.
- ↑ "Folkrakningen 1950" (PDF). scb.se. Archived from the original on 29 de outubro de 2013. Consultado o 1 de outubro de 2022.
- ↑ Andersson, Per (1993). Sveriges kommunindelning 1863-1993. Mjölby: Bokförlaget Draking. p. 100. ISBN 91-87784-05-X. OCLC 33359784.
- ↑ "Domsagohistorik - Bodens tingsrätt". bebyggelseregistret.raa.se. Consultado o 1 de outubro de 2022.
- ↑ "Sarek nationalpark". www.sverigesnationalparker.se (en sueco). Consultado o 2025-03-01.
- ↑ "Våra kraftverk: Harsprånget - Vattenfall". powerplants.vattenfall.com. Consultado o 2025-03-01.
- ↑ "Skyddad natur". skyddadnatur.naturvardsverket.se. Consultado o 2025-03-12.
- ↑ "Nationalparker och naturreservat". www.jokkmokk.se (en sueco). Arquivado dende o orixinal o 21 de xaneiro de 2025. Consultado o 2025-03-12.
- ↑ "Jokkmokks naturreservat". www.lansstyrelsen.se (en sueco). Consultado o 2025-03-12.
 | ||
