Concello de Gällivare
| |||||
| Localización | |||||
|---|---|---|---|---|---|
| |||||
| Estado | Suecia | ||||
| Condado | Condado de Norrbotten  | ||||
| Capital | Gällivare | ||||
| Poboación | |||||
| Poboación | 17.156 (2025) (1,02 hab./km²) | ||||
| Lingua oficial | lingua sueca lingua finesa meänkieli linguas saamis | ||||
| Xeografía | |||||
| Parte de | |||||
| Superficie | 16.818,78 km² | ||||
| Comparte fronteira con | Concello de Pajala Kiruna (municipio) Jokkmokk (municipio) Narvik Municipality (en)  Boden (municipio) Överkalix (municipio) Tysfjord (pt) (–2019)Ballangen (pt) (–2019)Hamarøy (pt) (2020–) | ||||
| Datos históricos | |||||
| Precedido por | |||||
| Creación | 1 de xaneiro de 1971 | ||||
| Organización política | |||||
| • Chairman of the municipal board in Gällivare Municipality, Sweden (en) | Märit Palo (1998–2002) Tommy Nyström (2003–2014) Jeanette Wäppling (2015–2016) Lars Alriksson (2017–2018) Jeanette Wäppling (2019–2019) Henrik Ölvebo (2020–2020) Birgitta Larsson (2021–) | ||||
| Outro | |||||
| Irmandado con | |||||
| Sitio web | gellivare.se | ||||
    | |||||
Gällivare é un municipio sueco (kommun) do condado de Norrbotten.[1] Atópase no landskap de Lappland e a súa capital é a localidade de Gällivare. En decembro de 2024 o municipio tiña unha poboación de 17 233 habitantes.[2]
O concello está situado xusto ao norte do círculo polar ártico. A parte occidental está formada por áreas montañosas e a sur por bosques e marismas. Os ríos Linaälven e Luleälven, onde están dúas das centrais hidroheléctricas máis grandes do país, atravesan o concello. Dous dos parques nacionais de Suecia atópanse no municipio, e existen ricos recursos minerais. Isto levou á construción de minas en Aitik e Malmberget, que continúan empregando a unha parte importante da poboación.
Hai catro pobos saami é unha parte dos seus habitantes foron historicamente, e ata certo punto seguen sendo, falantes de finés, meänkieli ou linguas saami. Ao dialecto finés falado no municipio de Gällivare chámaselle gällivarefinska.
Nome
[editar | editar a fonte]Gällivare é unha suedificación do nome da lingua saami de Lule Jiellevárre. Jielle- significa 'apertura, brecha' e pode referirse a un val alongado na montaña Malmberget.[3]
Historia administrativa
[editar | editar a fonte]Cando a reforma municipal de 1862 implementouse en Laponia no ano 1874 creouse o concello rural de Gällivare na parroquia do mesmo nome. Alí estableceuse o 2 de xuño de 1983 a localidade municipal de Gällivare e o 23 de decembro de 1908 a de Malmberget. A primeira dsolveuse a finais de 1955 e a segunda a finais de 1959.
A reforma municipal de 1952 non afectou ás divisións da zona, xa que nin o condado de Västerbotten nin o de Norrbotten víronse afectados.
O actual municipio de Gällivare naceu coa reforma municipal de 1971 a partir do concello rural do mesmo nome.[4]
Xeografía
[editar | editar a fonte]O concello de Gällivare limita ao sur cos concellos de Jokkmokk e Boden, ao leste cos de Överkalix e Pajala, e ao norte co de Kiruna, todos no condado de Norrboten. Ao noroeste fai fronteira cos concellos noruegueses de Narvik e Hamarøy. Cunha superficie de 16 950 quilómetros cadrados, o municipio é o terceiro máis grande de Suecia en termos de superficie.
Notas
[editar | editar a fonte]- ↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-08-12.
- ↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-09.
- ↑ Svenskt ortnamnslexikon : utarbetat inom Språk- och folkminnesinstitutet och Institutionen för nordiska språk vid Uppsala universitet. Uppsala: Språk- och folkminnesinstitutet. 2003. ISBN 91-7229-020-X. OCLC 56599861.
- ↑ Andersson, Per (1993). Sveriges kommunindelning 1863-1993. Mjölby: Bokförlaget Draking. ISBN 978-91-87784-05-7.
 | ||
