Eslöv é un municipio sueco (kommun) do condado de Escania.[1] Anteriormente formaba parte do desaparecido condado de Malmöhus. En decembro de 2024 o concello tiña 34 922 habitantes,[2] sendo o 76º municipio sueco en poboación. Dende o ano 2005 Eslöv forma arte da área metropolitana de Malmö (Stormalmö), segundo a definición do Instituto Nacional de Estadística de Suecia. A súa capital é a localidade de Eslöv.
Na parte suroccidental do concello atópanse solos moi ricos en arxilas, o que explica as grandes superficies abertas de cultivo. No norte os solos son máis pobres en arxilas e máis pedregosos. A zona norte presenta así unha paisaxe agrícola máis variada que inclúe pastos así como bosques de frondosas e bosques cultivados coníferas. As terras de cultivo tamén son a explicación do feito de que unha proporción relativamente grande da poboación en idade de traballar do municipio, en comparación coa media de Suecia, estea empregada na industria agrícola. Polo demais, o tecido empresarial local está dominado pola industria manufactureira.
O concello atópase no centro da provincia histórica de Escania e limita ao norte co municipio de Klippan, ao nordés co de Höör, ao leste cos de Hörby e Sjöbo, ao suroeste cos de Lund e Kävlinge e ao noroeste co concello de Svalöv, todos eles no condado de Escania.
.JPG?lang=gl)
