Colias croceus

Colias croceus
Colias croceus sobre unha flor de Trifolium pratense.
Clasificación científica
Reino: Animalia Filo: Arthropoda Clase: Insecta Orde: Lepidoptera Suborde: Glossata Infraorde: Heteroneura División: Ditrysia Sección: Rhopalocera Familia: Pieridae Subfamilia: Coliadinae Xénero: Colias Especie: C. croceus
Nome binomial
Colias croceus (Geoffroy, 1785)
Sinonimia
Colias croceus f. deserticola Verity, 1909 Colias croceus f. helice Colias croceus f. helicina Oberthür, 1880 Colias croceus f. mediterranea Stauder, 1913 Colias edusa (Fabricius, 1787) (non Fabricius, 1777: preoccupied) Colias edusa f. obsoleta Grüber, 1929 Papilio croceus Fourcroy, 1785 Papilio edusa Fabricius, 1787 (non Fabricius, 1777: preoccupied) Colias crocea (Geoffroy, 1785)

A bolboreta Colias croceus é unha especie da familia Pieridae, que foi descrita orixinalmente, co nome de Papilo croceus, por Geoffroy Saint-Hilaire, en 1785, en París (Francia). É moi similar á especie denominada Colias alfacariensis.

Descrición

Ás anteriores de cor amarela-laranxa no seu anverso, con fimbrias rosadas, con bordo en banda negra, e unha mancha negra destacada no seu interior. Reverso amarelo-alaranxado uniforme, con mancha prateada. As ás posteriores son amarelo-xofre, con varias manchas pardas, entre as que destaca unha con núcleo dourado. A femia é moi similar ao macho, con carácter xeral, aínda que hai un morfotipo no que a cor de fondo das ás é branco-verdosa. É unha especie de bolboreta tendente a pousarse sempre coas ás pechadas.

• 
  Colias croceus croceus ♂
• 
  Colias croceus croceus ♂ △
• 
  Colias croceus f. helice ♀
• 
  Colias croceus f. helice ♀ △

É polivoltina, reprodúcese tres ou até catro veces ao ano (aproximadamente en abril, xullo e outubro), sendo invernantes as larvas da última xeración. A posta realízase sobre follas de plantas moi diversas, sobre todo Trifolium e Medicago sativa, entre outras.

Distribución e hábitat

É unha especie estendida por toda Europa e África do norte. En España e Portugal é moi frecuente. Esténdese até Asia Menor, o oeste da India e Siberia. É migratoria, algúns anos ten numerosas migracións en masa en Europa, por exemplo nos anos 1877, 1947, 1983, 1992, 1994, 1996 e 2000.

Adoita vivir en zonas asolladas e vexetadas, e mesmo en zona de cultivo, chegando até certa altura (2.000 m). Só están ausentes de zonas boscosas. É moi usual nos macizos montañosos de tipo calizo, e menos abundantes, aínda que frecuentes, en montañas máis elevadas, como Serra Nevada.

Véxase tamén

Bibliografía

• Olivares, Francisco Javier; Barea-Azcón, José Miguel e outros (2011): Las mariposas diurnas de Sierra Nevada, Consejería de Medio Ambiente, Junta de Andalucía, Granada, ISBN 978-84-92807-72-7, pp. 182-183.
• Asher, Jim; Warren, Martin; Fox, Richard; Harding, Paul; Jeffcoate, Gail & Jeffcoate, Stephen (2001): The Millennium Atlas of Butterflies of Britain and Ireland. Oxford University Press. ISBN 0-19-850565-5
• Evans, W.H. (1932). The Identification of Indian Butterflies (2ª ed.). Mumbai, India: Bombay Natural History Society. 
• Butterflies of the Indian Region. Bombay, India: Bombay Natural History Society. 1957. ISBN 978-8170192329. 

Ligazóns externas

• Larvae of North-European Lepidoptera Copia arquivada en Wayback Machine
• Paolo Mazzei, Daniel Morel, Raniero Panfili Moths and Butterflies of Europe and North Africa
• Imaxes de C. croceus images Arquivado 18 de outubro de 2016 en Wayback Machine. no Consortium for the Barcode of Life