Clyde Lovellette
| Clyde Lovellette | |
|---|---|
| Posición | Ala-pivote |
| Dorsal | 84, 34, 4 |
| Altura | 2,08 m (5 ft 7 in) |
| Peso oficial | 106 kg (234 lb) |
| Nacemento | 7 de setembro de 1929 (93 anos) Petersburg, IN
|
| Carreira | |
| Universidade | Kansas |
| NBA Draft | 1952 / Rolda: 1 / Elección: 9 Por Minneapolis Lakers |
| Tempadas | 1953–1964 |
| Equipo(s) | |
| |
| Estatísticas (NBA) | |
| Puntos | 11 947 |
| Rebotes | 6 663 |
| Asistencias | 1 165 |
| Stats @ Basketball-Reference.com | |
| Premios | |
| |
| Basketball Hall of Fame como xogador | |
| Cadro de medallas | |||
|---|---|---|---|
| Baloncesto | |||
| Xogos Olímpicos | |||
| Ouro | Helsinqui 1952 | Estados Unidos | |
Clyde Lovellette, nado o 7 de setembro de 1929 en Petersburg (estado de Indiana) e finado o 9 de marzo de 2016 en North Manchester (Indiana, foi un xogador de baloncesto estadounidense que xogou durante dez tempadas na NBA. Foi o primeiro xogador da historia en formar parte de equipos gañadores da NCAA, NBA e Xogos Olímpicos.
Traxectoria[editar | editar a fonte]
Universidade[editar | editar a fonte]
Xogou durante 4 tempadas cos Jayhawks da Universidade de Kansas. Na súa última tempada foi o máximo anotador da NCAA, con 28,4 puntos por partido, levando ao seu equipo ao título de campión. É o único xogador da historia en ser o máximo anotador da competición gañando o título ese mesmo ano. Foi nomeado Mellor Xogador do Torneo da NCAA. En toda a súa carreira universitaria tivo unha media de 24,5 puntos e 10,2 rebotes por partido.[1]
Ao finalizar a tempada foi incluído na selección de baloncesto de Estados Unidos que participaría nos Xogos Olímpicos de Helsinqui, gañando a medalla de ouro.
Profesional[editar | editar a fonte]
Foi elixido na primeira rolda do Draft da NBA de 1952 por Minneapolis Lakers, na novena posición, onde xogou durante catro tempadas, gañándose o posto de titular na tempada 1953-54, na que gañou o seu primeiro anel de campión. Foi traspasado a Cincinnati Royals, onde só xogou unha tempada, recalando posteriormente en St. Louis Hawks, onde permaneceu durante outras catro tempadas a un excelente nivel. Xa con 33 anos fichou polos Boston Celtics, onde tivo un papel secundario dando minutos de respiro aos pivotes titulares, e onde gañou o campionato nas dúas tempadas que permaneceu antes de retirarse en 1964.
Foi un dos primeiros xogadores que empregaron o tiro a unha man, ampliando o seu repertorio ofensivo, e que lle permitía xogar tanto de beirado como nas posicións máis próximas ao aro. Foi elixido para disputar o NBA All-Star Game en 3 ocasións, en 1956, 1960 e 1961. Nas súas dez tempadas como profesional tivo unha media de 17,0 puntos e 9,5 rebotes por partido.
Equipos[editar | editar a fonte]
- Minneapolis Lakers (1953-1957)
- Cincinnati Royals (1957-1958)
- St. Louis Hawks (1958-1962)
- Boston Celtics (1962-1964)
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Estatísticas de Lovellette na NBA Arquivado 25 de setembro de 2010 en Wayback Machine.
| Control de autoridades |
|
|---|
- Nados no condado de Pike, Indiana
- Nados en 1929
- Xogadores de baloncesto da NBA
- Xogadores de baloncesto olímpicos dos Estados Unidos de América
- Eleccións no Draft da NBA dos Minneapolis Lakers
- Xogadores dos Minneapolis Lakers
- Xogadores dos Cincinnati Royals
- Xogadores dos St. Louis Hawks
- Xogadores dos Boston Celtics
- Membros do Salón da Fama da NBA
- Ala-pivotes de baloncesto
- Medallistas olímpicos de ouro polos Estados Unidos de América
- Medallistas nos Xogos Olímpicos de 1952
- Medallistas olímpicos en baloncesto
- Finados en 2016
- Xogadores de baloncesto nos Xogos Olímpicos de 1952