Clarissa Pinkola Estés
| Biografía | |
|---|---|
| Nacemento | 27 de xaneiro de 1945  (79 anos)Gary, Estados Unidos de América |
| Educación | St. Joseph's High School (en)  Colorado Heights University (en) Union Institute & University (en) |
| Actividade | |
| Ocupación | psicóloga, poetisa, escritora |
| Premios | |
| |
| Descrito pola fonte | Medvik >>>:Estés, Clarissa Pinkola, 1945-,  |
| Páxina web | clarissapinkolaestes.com |
   | |
Clarissa Pinkola Estés, nada en Indiana o 27 de xaneiro de 1945,[1] é unha psicóloga junguiana, poeta e escritora estadounidense especializada en traumas post-guerra. Fíxose mundialmente coñecida polo seu libro de 1992, Women Who Run With the Wolves, onde abordou o arquetipo feminino, os seus misterios e potencia con base en mitos, historias ancestrais e contos.
Traxectoria
[editar | editar a fonte]Estés naceu e criouse nunha pequena vila no estado de Indiana,[2] filla de Cepción Ixtiz e Emilio Maria Reyés, de ascendencia mexicana e nativa americana. Os seus pais eran braceiros mexicanos, próximos ao límite con Míchigan. En casa aprendeu a falar castelán, mais Clarissa foi entregada en adopción aínda moi pequena. Aos catro anos de idade, foi adoptada pola parella de inmigrantes húngaros, Maruska Hornyak e Joszef Pinkola, tamén moi pobres e analfabetos.[3][4]
Convivindo con inmigrantes dende a infancia, Clarissa tivo acceso a moitas historias, lendas e mitos doutros pobos, contados e recontados por parentes e polos pais adoptivos.[2][1] Despois de rematar o ensino medio, Clarissa mudouse a Colorado. Casou por primeira vez en 1967, divorciándose en 1974. A unión resultou en tres fillas, que ficaron baixo a súa custodia.[3][4]
Clarissa formouse en psicoloxía e psicoterapia pola Colorado Heights University en 1976.[4] No Union Institute & University, en Cincinnati, obtivo o doutoramento en psicoloxía étnico-clínica en 1981, con foco na historia indíxena e de padróns psicolóxicos e sociais de grupos e culturas tribais.[2][1] En 1984, fixo o post-doutoramentoo pola The Inter-Rexional Society of Jungian Analysts, en Zürich, en Suíza. É psicóloga rexistrada, especializada en recuperación postraumática e psicanalista con práctica clínica.
Como especialista en sucesos traumáticos e recuperación post-trauma, comezou a traballar na área aínda na década de 1960 no hospital de veteranos Edward Hines Jr., de Illinois. Atendeu pacientes veteranos da primeira e da segunda guerras mundiais, alén de ex-combatentes da guerra de Vietnam con perdas de membros ou en cadeira de rodas.[2][1] Axudou tamén as familias de pacientes e persoas con trastorno por estrés postraumático. Ensinou escritura creativas en varias prisións dos Estados Unidos.
Participou en lugares de desastres naturais, onde desenvolveu un protocolo de recuperación post-trauma para os sobreviventes do terremoto de Armenia. Tal protocolo foi traducido para diversos idiomas e vén sendo usado en lugares de desastre para axudar os sobreviventes na recuperación e en como orientar os rescatadores.[2] Tamén traballou na comunidade tralo masacre de Columbine entre os anos de 1993 e 2003. Traballou ademais cos asistentes do sistema de atención 911 nos Estados Unidos e con familias de sobreviventes de desastres e masacres.
Literatura
[editar | editar a fonte]É autora de diversos libros traducidos a máis de 35 linguas. Clarissa comezou a escribir con preto de 25 anos, mais o seu primeiro libro só foi publicado vinte e cinco anos despois.[3] Escribiu poesías e boa parte das historias que recompilou nas viaxes e nos anos de traballo. Arredor desa época, Clarissa casou novamente, cun 1º sarxento da Forza Aérea dos Estados Unidos. O seu nome comezou a gañar fama cando empezou a traballar na radio, en 1989, falando de Jung, en Denver. Iso levou a un contrato cunha gravadora para lanzar fitas de casete coas súas observacións e orientacións; algúns meses, as súas fitas foron líderes de vendas no país.
As editoriais interesáronse por Clarissa tralo éxito de venda das súas fitas e algúns meses despois preto de seis editoras comezaron a facer ofertas por un libro seu. O seu primeiro libro, Women Who Run With the Wolves: Myths and Stories about the Wild Woman Archetype, foi un grande éxito e mantívose preto de setenta semanas na lista dos máis vendidos do The New York Times.[5][2][3]
Obras
[editar | editar a fonte]- Women Who Run With the Wolves: Myths and Stories of the Wild Woman Archetype (1992/1995/1997)
- The Faithful Gardener: A Wise Tale About that Which Can Never Die (1996)
- The Gift of Story: A Wise Tale About What is Enough (1993)
- Hero With A Thousand Faces, Joseph Campbell; introdución de 50 páxinas de Estés (2004)
- Untie the Strong Woman: Blessed Mother's Immaculate Love for the Wild Soul (2011)
Notas
[editar | editar a fonte]- ↑ 1,0 1,1 1,2 1,3 "Clarissa Pinkola Estés". Consultado o 3 de setembro de 2019. Hai unha certa diverxencia en canto á data oficial, pois a autora declarou datas diverxentes en entrevistas varias veces, sendo que inicialmente era 1943, despois 1945 e agora vén declarando ser 1946.
- ↑ 2,0 2,1 2,2 2,3 2,4 2,5 "Bigraphy". Consultado o 3 de setembro de 2019.
- ↑ 3,0 3,1 3,2 3,3 "Estés, Clarissa Pinkola: 1943—: Writer, Psychologist". Consultado o 3 de setembro de 2019.
- ↑ 4,0 4,1 4,2 "Clarissa Pinkola Estés". Consultado o 3 de setembro de 2019.
- ↑ Clarissa Pinkola Estés (ed.). "Clarissa Pinkola Estés, author of Women Who Run With The Wolves". Consultado o 3 de setembro de 2019.
Véxase tamén
[editar | editar a fonte]Ligazóns externas
[editar | editar a fonte]- Estés is the Managing Editor and a columnist at The Moderate Voice political-newsblog
- mavenproductions.com - Calendar of Estés' keynotes, seminars, professional trainings
- Her columns are archived at The National Catholic Reporter online Arquivado 05 de xuño de 2014 en Wayback Machine.
- "Do Not Lose Heart, We Were Made for These Times: Letter to a Young Activist During Troubled Times" by Estés
- "Baptism: The Good Fathers" and "Internship: The Bad Fathers (poetry by Estés)
- "Slaughter of Innocence" by Estés in U.S. Catholic magazine.
- Blog Entry: "Don Imus And Bernard McGuirk re “Nappy-Headed Hos”" by Estés'
- Archived Google Video of 2000 Charlie Rose Show Arquivado 31 de maio de 2011 en Wayback Machine. about woman.life.song. performance/ production at Carnegie Hall featuring Clarissa Pinkola Estés, Jessye Norman, Judith Weir and Toni Morrison.
