Centre, Cornellà de Llobregat

Na Galipedia, a Wikipedia en galego.
Saltar ata a navegación Saltar á procura
Igrexa parroquial de Santa Maria de Cornellà

Centre é o barrio céntrico da cidade de Cornellà de Llobregat, na provincia de Barcelona. Nel atópanse a zona vella e a maior parte das institucións da cidade.

Entre os lugares de interese cabe destacar o Castelo de Cornellà, a igrexa de Santa Maria e a Casa do Concello. Atópanse no barrio tamén o centro comercial Llobregat Centre, coñecido como Eroski por haber un hipermercado desa cadea, a biblioteca Marta Mata e o IES Francesc Macià.

Pódese chegar en transporte público a través da estación de Cornellà Centre, intercambiador no que enlazan a liña 5 do metro, a T1 e T2 do Trambaix e as liñas R1 e R4 de Proximidades Renfe. Ademais os autobuses urbanos 57, 67, 68, 94 e 95, os interurbanos L52, L77, L82 e L85 e os nocturnos N13 e N14 tamén teñen parada no barrio.

Coordenadas: 41°21′02″N 2°04′29″L / 41.35056, -2.07472