Celestino Torres

Celestino Torres
Biografía
Nacemento	1921 ; A Pobra do Brollón, España
Morte	16 de agosto de 2005 (83/84 anos); A Coruña, España
Lugar de sepultura	A Pobra do Brollón
Alcalde de Monforte de Lemos
	1987 – 1993 (dimisión)
Alcalde de Monforte de Lemos
	1979 – 1985 (dimisión)
Actividade
Ocupación	político, empresario
Premios
	fillo adoptivo de Monforte de Lemos. ;

Celestino Torres Rodríguez, nado na Pobra do Brollón en 1921 e finado na Coruña o 16 de agosto de 2005,^[1] foi un empresario e político galego.

Traxectoria

Empresario do sector da madeira, foi vocal do Consello Económico Sindical de Galicia e do Consello Provincial de Empresarios. Nas primeiras eleccións democráticas foi elixido alcalde de Monforte de Lemos por UCD. Foi un dos fundadores de Coalición Galega en 1983. Nas municipais de 1983 volveu ser elixido alcalde por Coalición Galega cunha ampla maioría absoluta. En 1985 renunciou á alcaldía por ser elixido deputado do Parlamento de Galicia. Nas municipais de 1987 volveu ser elixido alcalde de Monforte de Lemos pola Coalición Progresista Galega, o mesmo que nas municipais de 1991 encabezando a Converxencia Nacionalista Galega, renunciando outra vez en setembro de 1993 por ser elixido de novo deputado no Parlamento de Galicia, agora como independente dentro do grupo socialista. Nas municipais de 1999 encabezou a candidatura da CNG para tentar recuperala alcaldía de Monforte que o seu partido perdera en 1995 en favor do PPdeG, conseguindo un lixeiro avance pero sen lograr recuperala alcaldía. Nas municipais de 2003 foi o número 2 de Iniciativa Galega (INGA), formación creada pola CNG e outras formacións independentes da provincia lucense, e foi elixido concelleiro, apoiando ao goberno do BNG e PSdeG encabezado polo nacionalista Severino Rodríguez Díaz, pese a que o PPdeG lle ofreceu a alcaldía á candidata de INGA e contaba co apoio da outra concelleira electa pola formación. Mantívose como concelleiro ata o seu falecemento o 16 de agosto de 2005.

Foi nomeado fillo adoptivo de Monforte.

Predecesor: Pablo Fernández Álvarez	Alcalde de Monforte de Lemos 1979 - 1985	Sucesor: José Castiñeira Puente
Predecesor: José Castiñeira Puente	Alcalde de Monforte de Lemos 1987 - 1993	Sucesor: José Castiñeira Puente

Notas

↑ Xosé Manuel Pereiro (18 de agosto de 2005). "Celestino Torres, ex alcalde de Monforte y ex diputado gallego". El País (en castelán).

Véxase tamén

Outros artigos

Eleccións municipais en Monforte de Lemos

Ligazóns externas

Ficha en galegos.info
Luis Díaz (22 de xuño de 2002). "«Na política española vivíronse etapas de maior democracia que a actual»". La Voz de Galicia.

[1] Xosé Manuel Pereiro (18 de agosto de 2005). "Celestino Torres, ex alcalde de Monforte y ex diputado gallego". El País (en castelán).

[1]