Cedi

Na Galipedia, a Wikipedia en galego.
Cedi
Cedi2.jpg
Código: GHS
Ámbito: Flag of Ghana.svg Ghana
Símbolo: GH₵, tamén con frecuencia GH¢
Gp (símbolo da pesewa)
Fracción: 100 pesewa
Moedas: 1, 5, 10, 20 e 50 pesewa
1 GHS
Billetes: 1, 5, 10, 20 e 50 GHS
Emisor: Banco de Ghana
Taxa de troco:
27-04-2011
1 EUR = 228,2294 GHS
1 USD = 154,47 GHS
Troco actual

O cedi é a moeda de curso legal de Ghana. O seu código ISO 4217 é GHS. A palabra cedi deriva da palabra akán que definía a un tipo de cunchas empregadas antigamente como moeda, e a palabra pesewa da akán pésewabo, unhas sementes que tamén se empregaban como unidades de conta. O cedi foi introducido o 3 de xullo do 2007 e é igual a 10.000 vellos cedis. Foi a unidade monetaria de valor máis alto dos países africanos no 2007. Un cedi divídese en 100 pesewas (Gp), aínda que a inflación fixo que desapareceran as moedas fraccionarias.

Historia[editar | editar a fonte]

O cedi apareceu en 1965 en substitución da libra ghanesa a razón de 2,4 cedis por libra ou, o que era o mesmo, 1 pesewa = 1 penique. Este primeiro cedi substituíuse por outra moeda, tamén chamada cedi en 1967. O novo cedi valía 1,2 antigos cedis, co cal a conversión de libras a cedis facíase máis sinxela (2 novos cedis por libra).

Nos anos '70, 1 cedi equivalía a 1 dólar. En 1983, o troco baixara xa a 90 cedis por dólar, e en 1993, a 720 cedis por dólar. No 2005, a taxa de troco evolucionou desfavorablemente ata máis de 9.000 cedis por dólar. Con esta taxa de troco, e segundo datos de agosto do 2005, o cedi era a sexta moeda de valor máis baixo do mundo.

O novo cedi[editar | editar a fonte]

A causa da gran inflación dos últimos anos, en xullo do 2007 puxéronse en circulación os novos billetes e moedas emitidos na nova divisa, o Novo Cedi (GH¢). 1 Novo Cedi = 10.000 antigos, e cada un deles se dividía en 100 Pesewas. De xeito que o troco dun Novo Cedi por 1 Dólar USA a decembro do 2006 era de 0,92 GHc ou 92 Pesewas.

Moedas e billetes[editar | editar a fonte]

O Banco de Ghana emite moedas de 1, 5, 10, 20 e 50 pesewas e 1 Novo Cedi, así como billetes con denominacións de 1, 5, 10, 20 e 50 cedis.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Cedi