Castelo de Durham
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2014.) |
| Castelo e catedral de Durham | |
|---|---|
 Castelo de Durham. | |
| Patrimonio da Humanidade - UNESCO | |
| País |  Reino Unido |
| Localización | 54°46′29.53″N 1°34′32.09″O / 54.7748694, -1.5755806 |
| Tipo | Cultural |
| Criterios | II, IV, VI |
| Inscrición | 1986 (10ª Sesión) |
| Rexión da UNESCO | Europa e América do Norte |
| Identificador | 370bis |
Durham Castle é un castelo normando na cidade de Durham, no norte de Inglaterra, que desde 1840 está ocupado polo University College da Universidade de Durham. O castelo érguese sobre o Río Wear na península de Durham, xusto enfronte da Catedral de Durham.
Historia[editar | editar a fonte]
O castelo foi orixinalmente construído no século XI como sinal de poder dos reis normandos no norte de Inglaterra, xa que os pobos do norte seguían sendo salvaxes e rebeldes, pouco despois da chegada invasión normanda de Inglaterra de 1066. É un exemplo perfecto do tipo de castelos denominados mota and bailey, que se elevan sobre un promontorio natural facilmente defendible. O ocupante do bispado de Durham era designado polo Rei coa misión de executar a autoridade real no seu nome, e o castelo era o seu lugar de residencia.
Esta situación, na que o castelo era a sede episcopal, mantívose até que o bispado se trasladou a Bishop Auckland, e o castelo foi ocupado pola Residencia da Universidade de Durham.
O castelo posúe un amplo salón principal, creado polo bispo Antony Bek a comezos do século XIV. Era a sala máis ampla de Gran Bretaña até que o bispo Richard Foxe a acurtou a finais do século XV. Pese a esta reforma, ten 14 metros de alto e 30 de largo.
University College[editar | editar a fonte]
En 1837, o castelo foi doado á recente creada Universidade de Durham polo bispo Edward Maltby, como residencia para estudantes. Foi denominado "University College". O arquitecto Anthony Salvin reconstruíu a torre da homenaxe, e a residencia inaugurouse en 1840. Actualmente o castelo alberga 100 estudantes, a maioría dos cales viven na torre.
O salón principal do castelo utilízase actualmente como comedor para estudantes e traballadores. A cripta baixo o salón, pola súa parte, serve como sala de reunión. As dúas capelas do castelo aínda están en uso, tanto para servizos relixiosos como para representacións teatrais. O castelo tamén dispón dunha biblioteca, oficinas universitarias e servizos de informática. Durante as vacacións, o castelo está dispoñible para organizar conferencias académicas e como hotel. O acceso ao castelo está limitado a visitas guiadas, dirixidas polos propios estudantes. Fóra destas visitas, só os residentes ou os hóspedes poden visitar o castelo.
