Carballo Tamme-Lauri

Na Galipedia, a Wikipedia en galego.
Saltar ata a navegación Saltar á procura

Coordenadas: 57°55′2″N 26°34′36″L / 57.91722, -26.57667

O Carballo Tamme-Lauri

O Carballo de Tamme-Lauri (en estoniano: Tamme-Lauri tamm; en võro: Tammõ-Lauri tamm) é a árbore máis grosa e máis antiga de Estonia e está situada no municipio rural de Antsla, no condado de Võru.[1]

Caracterización[editar | editar a fonte]

Detalle do tronco do Carballo Tamme-Lauri

O carballo ten unha altura de 19 metros, a súa circunferencia mide 821 centímetros (medida a 130 centímetros de altura desde o chan).[1][2]

Segundo cálculos dos investigadores, a árbore foi plantada arredor de 1326.[3]

Historia[editar | editar a fonte]

Este carballo foi alcanzado por raios en varias ocasións, o que danou varias das súas pólas e baleirou o centro do seu tronco, aínda que segue a ser viable. Durante a súa restauración na década de 1970 atopouse dentro del un acocho antigo dos "Irmáns do Bosque" (metsavennad), un movemento de resistencia contra a ocupación soviética, no que podían estar de pé sete persoas. Finalmente, o oco encheuse con oito toneladas de cemento.[4][5]

O carballo goza de protección oficial desde 1939.[1] O terreo onde se atopa foi adquirido polo Ministerio do Ambiente de Estonia en 2006 por 400.000 coroas estonianas.[6]

O Carballo Tamme-Lauri no billete de 10 coroas estonianas

A denominación de Carballo Tamme-Lauri vénlle da granxa homónima que, pola súa vez, recibiu o seu nome dun espírito que antigamente se pensaba que habitaba na árbore, portador ás veces de mala sorte e ás veces de boa; era o espírito do lume e o seu nome era Laurits.[5] O Carballo Tamme-Lauri aparece representado nos reversos dos billetes de dez coroas estonianas.[7]

Notas[editar | editar a fonte]

  1. 1,0 1,1 1,2 "Tamme-Lauri tamm". Keskkonnaregistri avalik teenus.
  2. "Tamme-Lauri tamm". Urvaste Vald.
  3. "Kuningas elab veel 700 aastat". En Eesti Ekspress. 4 de novembro de 2003.
  4. "Tamme-Lauri tamm vahetab omanikku". En Postimees. 5 de setembro de 2006.
  5. 5,0 5,1 "Tamme-Lauri oak". Võrumaa. Southern Estonia.
  6. "Riik maksab hiidtamme eest 400 000 krooni". En Postimees. 15 de novembro de 2006.
  7. "Estonian kroon banknotes". Eesti Pank.

Véxase tamén[editar | editar a fonte]

Ligazóns externas[editar | editar a fonte]