Caramuxo

Na Galipedia, a Wikipedia en galego.
Caramuxo
Caramuxos en Suecia
Caramuxos en Suecia

L. littorea on the edge of a small sandy beach in Woods Hole, Massachusetts
L. littorea on the edge of a small sandy beach in Woods Hole, Massachusetts

Clasificación científica
Reino: Animalia
Filo: Mollusca
Clase: Gastropoda
Superfamilia: Littorinoidea
Familia: Littorinidae
Xénero: Littorina
Especie: Littorina littorea
Nome binomial
Littorina littorea
(Linnaeus, 1758)[1]
Sinonimia[2]

O caramuxo, caramuxa, caramecha, mincha ou bígaro (Littorina littorea, Linnaeus 1767) é un molusco gasterópodo mariño, de pequeno tamaño, que vive nas zonas rochosas da costa. Pertence á familia dos litorínidos (Littorinidae), da orde dos Sorbeoconcha.

Morfoloxía[editar | editar a fonte]

Presenta a cuncha cónica, en espiral e ápice en punta, alcanzando tamaños máximos de 2,5 cm de altura. A cor é habitualmente escura (parda a negra), mostrando bandas concéntricas claras e escuras. Na superficie vense numerosas estrías espirais.

A abertura da cuncha é ovoide e o opérculo, de natureza córnea, pecha esa abertura durante a baixamar.

O caramuxo ten dous tentáculos longos e os ollos na base deles. O pé é forte.

Hábitat e bioloxía[editar | editar a fonte]

Vive sobre as pedras e algas da franza intermareal, distribuíndose no Atlántico e Mediterráneo.

Aliméntase, como as lapas, das algas que colonizan as pedras.

Aproveitamento pesqueiro e comercial[editar | editar a fonte]

É un molusco comestible e bastante apreciado.

Existen outras especies semellantes, algunhas comestibles e outras non.

O caramuxo en Galicia[editar | editar a fonte]

Outros nomes populares deste molusco son os de cornecho (común a outros gasterópodos de cuncha en espiral), cuco, meiga; en Malpica chámano mexacán [3].

Segundo Eladio Rodríguez dunha muller pequena de corpo dise que é unha mincha.

Sarmiento contaba o seguinte:

Los mariscos caramujos se venden en Pontevedra muy baratos, y los chicos los compran a trueque de zoquetes de pan. Véndense cocidos y para comerlos se saca con un alfiler la poca comida que tienen pues no es la décima parte de la que tiene un caracol de tierra.

Galería de imaxes[editar | editar a fonte]

Notas[editar | editar a fonte]

  1. Linnaeus C. (1758). Systema naturae per regna tria naturæ, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata. pp. [1-4], 1-824. Holmiae. (Salvius).
  2. Reid, David G.; Gofas, S (2011). "Littorina littorea (Linnaeus, 1758)". World Register of Marine Species. Consultado o 16 de maio de 2011. 
  3. Ríos Panisse non se define sobre a orixe deste nome se poida deber á planta do mesmo nome (Taraxacum officinale), a que produza algún tipo de irritación na pel (mexacán ou coxo) ou á síncopa dun posible ameixa de can.

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Caramuxo Modificar a ligazón no Wikidata

Bibliografía[editar | editar a fonte]

  • RAMONELL, Rosa: Guía dos mariscos de Galicia. Galaxia, Vigo 1985.
  • RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba.
  • SANTAMARINA, Antón (ed. e dir.): Diccionario de diccionarios. Fundación Pedro Barrié de la Maza, Instituto da Lingua Galega, 3ª ed. 2003.

Ligazóns externas[editar | editar a fonte]