Callitriche hamulata
| Callitriche hamulata | |||||||||||
|---|---|---|---|---|---|---|---|---|---|---|---|
| |||||||||||
| Clasificación científica | |||||||||||
| |||||||||||
| Nome binomial | |||||||||||
| Callitriche hamulata Kütz. ex W.D.J. Koch | |||||||||||
| Sinonimia[1] | |||||||||||
|
Sinónimos
| |||||||||||
Callitriche hamulata é unha especie de planta con flores pertencente á familia Plantaginaceae.[2]
Descrición[editar | editar a fonte]
É unha planta submergullada con talos finos e ramificados duns 20-70 cm de longo. As follas estreitas e verde claro son de ata 6 cm de de longo e 1-2 mm de ancho, lixeiramente ensanchadas na punta. As follas que poden flotar enriba da auga, son máis curtas e anchas, tamén son de cor marrón claro ou verde rosado.[3] Ten pequenas flores e froitos verdes discretos,[4] e ten un período de floración entre maio e outubro.[5]
Taxonomía[editar | editar a fonte]
Foi descrita por Wilhelm Daniel Joseph Koch antes de ser publicada amplamente por Friedrich Traugott Kützing na colección 'Synopsis Florae Germanicae et Helveticae' 246 en 1837.[1]
O epíteto específico latino hamulata deriva de hamatus que significa "con ganchos" ou "gancho",[6] referíndose ao extremo ganchudo das follas.[5]
Distribución[editar | editar a fonte]
Callitriche hamulata é orixinaria dunha ampla área, que se estende desde Groenlandia,[2][7] e Islandia,[3] a través de Europa ata o noroeste de África.[2]
Hábitat[editar | editar a fonte]
Atópase en correntes de fluxo rápido,[8] que están ben osixenadas, e en augas doces, desde o nivel do mar ata uns 1200 m sobre o nivel do mar.[5] Esta planta pode medrar en augas pouco profundas e tamén pode adaptarse a un nivel de auga máis profundo, especialmente despois das inundacións.[3] Tamén se pode atopar en ou preto de lagoas, cunetas, en augas tranquilas ou lentas.[4]
Notas[editar | editar a fonte]
- ↑ 1,0 1,1 "Callitriche hamulata Kütz. ex W.D.J.Koch is an accepted name". theplantlist.org (The Plant List). 23 de marzo de 2012. Arquivado dende o orixinal o 31 de marzo de 2019. Consultado o 21 de abril de 2020.
- ↑ 2,0 2,1 2,2 "Plants of the World Online". Plants of the World Online (en inglés).
- ↑ 3,0 3,1 3,2 W. Vivian De Thabrew A Manual of Water Plants en Google Books., p.43.
- ↑ 4,0 4,1 "Intermediate Water-starwort". Consultado o 27 de decembro de 2016.
- ↑ 5,0 5,1 5,2 "Callitriche hamulata Kütz. ex W.D.J. Koch". Consultado o 27 de decembro de 2016.
- ↑ Brown, Roland Wilbur (1956). The Composition of Scientific Words. Washington, D.C.: Smithsonian Institution Press. p. 420.
- ↑ Jon Feilberg A Phytogeographical Study of South Greenland Vascular Plants (Bioscience 15, 1984) en Google Books., p. 13.
- ↑ S. M. Haslam e P. A. Wolseley River Vegetation, Its identification, assessment and management en Google Books., p. 46.