Xacaré

Na Galipedia, a Wikipedia en galego.
(Redirixido desde "Caiman yacare")
Xacaré
No Pantanal, Brasil
No Pantanal, Brasil
Estado de conservación
Status iucn2.3 LC gl.jpg
Pouco preocupante[1]
Clasificación científica
Reino: Animalia
Filo: Chordata
Clase: Reptilia
Orde: Crocodilia
Familia: Alligatoridae
Xénero: 'Caiman'
Especie: C. yacare
Nome binomial
'Caiman yacare'
Daudin, 1802
Caiman yacare Distribution.png

O xacaré[2] ou caimán xacaré[2] (Caiman yacare ) é unha especie de caimán que ten o seu hábitat no centro de América do sur, incluíndo o nordeste da Arxentina, Uruguai, sueste do Perú, Bolivia oriental, centro e suroeste do Brasil, e os ríos do Paraguai. Dentro do pantanal brasileiro hai cerca de 10 millóns de exemplares de xacaré, representando posibelmente a máis grande poboación de crocodilios da Terra.

Sendo un crocodilio de tamaño de pequeno a medio, a maioría dos machos adultos medran até aproximadamente os 2,5 m de longo, chegando ocasionalmente algúns individuos aos 3 m. As femias son bastante máis pequenas, cunha media de 1,4 m. A masa corporal nesta especie pode chegar até os 85 kg nos machos e oscilar entre os 14 e os 23 kg nas femias.[3] De feito, o tamaño relativamente máis pequeno fainos unha presa potencial de xaguaresanacondas.

A dieta desta especie está constituída principalmente por peixe (especialmente de pirañas), paxaros, réptiles e mamíferos pequenos. Os mamíferos grandes son cazados ocasionalmente (especialmente as capibaras) polos adultos máis grandes. En xeral, debido ao seu tamaño, esta especie non é considerada mortalmente perigosa para os humanos.

Galería[editar | editar a fonte]

Notas[editar | editar a fonte]

  1. Crocodile Specialist Group (2008). "Caiman yacare". Lista Vermella da IUCN de Especies en Perigo (en inglés). IUCN 2008. Consultado o 17 August 2009.  Database entry includes a brief justification of why this species is of Lower Risk/least concern.
  2. 2,0 2,1 Luís Daviña Facal (2000): Diccionario das ciencias da natureza e da saúde. Tomo 2. C. A Coruña, Deputación da Coruña, páx. 720. ISBN 84-95335-46-8
  3. [1]

Véxase tamén[editar | editar a fonte]

Ligazóns externas[editar | editar a fonte]