César Cort

Na Galipedia, a Wikipedia en galego.

César Cort Botí nado en Alcoi en 1893 e finado en Alacant o 14 de xullo de 1978[1] foi un enxeñeiro e urbanista español.

Traxectoria[editar | editar a fonte]

Estudou Enxeñería Industrial e Arquitectura en Madrid, titulándose en 1916.[2] Iniciouse na docencia en 1918 na Escuela Superior de Arquitectura de Madrid, ocupando o posto ata a promulgación da Ley del Suelo en 1956. Foi o primeiro catedrátido de urbanismo en España.

Durante a Segunda República foi concelleiro monárquico liberal no concello de Madrid. Foi encarcerado durante a guerra civil e a súa biblioteca desapareceu. Trala guerra formou parte do Servizo Nacional de Rexións Devastadas e do Instituto de Vivenda.[2]

Obra[editar | editar a fonte]

Participou activamente no planeamento urbanístico de cidades de España[3]:

  • Salamanca en 1925
  • Murcia en 1926
  • Burgos en 1928
  • Murcia (1928), plan que non se chegou a aplicar por mor das dificultades económicas.[2]
  • Madrid en 1929 en colaboración co urbanista alemán Joseph Stübben
  • Ceuta en 1930
  • Proxectos de poboados do Guadalquivir e Guadalmellato en 1933.[4]
  • Urbanización da parte baixa do parque de Montjuic en Barcelona en 1935
  • Valladolid (1939).[2]
  • Badaxoz (1940).[2]
  • O seu proxecto de ordenamento da cidade da Coruña (1945), que non se puxo en práctica, incluía por vez primeira vías de circunvalación como as que na modificación de 1948 se converteron nas roldas de Nelle e Outeiro e vías de penetración como a avenida de Arteixo.[2]

Notas[editar | editar a fonte]

  1. "Esquela". ABC (en español). 18 de xullo de 1978. Consultado o 28 de febreiro de 2016. 
  2. 2,0 2,1 2,2 2,3 2,4 2,5 González-Cebrián Tello, José (1984). La ciudad a través de su plano. La Coruña (en castelán). Concello da Coruña. ISBN 9788450099904. 
  3. César Cort y la cultura urbanística de su tiempo. EZQUIAGA DOMINGUEZ, José María
  4. "Fallo del concurso de urbanización de poblados en las zonas regables del Guadalquivir y Guadamellato". ABC (en español). 6 de xaneiro de 1934. Consultado o 28 de febreiro de 2016.