Buraka Som Sistema

VIAF	261962445
ISNI	0000000470816937

Buraka Som Sistema
	Instancia de grupo musical
	Xénero Kuduro; zouk (pt) ; moombahton (pt) ; breakbeat (pt)
	Composto por Branko (pt) ; DJ Riot (pt) ; Blaya ; Kalaf Epalanga ; Andro Carvalho (pt)
	Selo discográfico Sony BMG
Datas
	Inicio de actividade 2006
	Data de fundación 2006
Localización
	Lugar de formación Amadora
	País de orixe Portugal
Premios
	Premios MTV Europe Music Award para Melhor Artista Português (pt) (2008); Globos de Ouro
	Nomeamentos MTV Europe Music Award para Melhor Artista Português (pt) (2009); MTV Europe Music Award para Melhor Artista Português (pt) (2008); MTV Europe Music Award para Melhor Artista Português (pt) (2007)
Identificadores
VIAF
VIAF	261962445
ISNI	0000000470816937
Fontes e ligazóns
	Redes
	Wikidata C:Commons

Buraka Som Sistema é un grupo de música electrónica de Amadora (Portugal). A formación está especializada no son kuduro, e están acreditados coma os creadores do kuduro progresivo.^[1]

Traxectoria

Buraka Som Sistema formouse en 2006 da man de João Barbosa (Li'l John), Rui Pité (DJ Riot), Andro Carvalho (Conductor) e Kalaf Ângelo. Barbosa e Pité eran produtores de Cool Train Crew, do que Kalaf era un dos vocalistas. Os tres estaban interesados en crear un proxecto baseado no kuduro, e decidiron poñelo en marcha tras coñecer a Carvalho, un produtor de hip hop de Angola que estaba de paso por Portugal. O nome da formación está inspirado na freguesía de Buraca, do concello de Amadora.

O seu primeiro traballo foi o EP From Buraka, distribuído polo selo independente Enchufada. Nel estaba o que sería o seu primeiro éxito, o sinxelo "Yah!", coa colaboración da cantante angolana MC Petty. O álbum foi reeditado en formato CD, e valeulles para comezar darse a coñecer e actuar en festivais como Glastonbury, Roskilde ou Sónar.

En 2007 lanzaron un segundo EP, Sound of Kuduro, no que colabora M.I.A. e outros artistas angolanos e portugueses. Este traballo serviu de punto de partida para o lanzamento do segundo disco, Black Diamond (Sony BMG, 2008). O sinxelo de lanzamento, "Kalemba (wegue wegue)", conta coa voz de Pongolove. Ese mesmo ano Buraka Som Sistema gañou o premio ao mellor artista portugués nos MTV Europe Music Awards.

Discografía

From Buraka to the World (2006, Enchufada)
Black Diamond (2008, Sony BMG)

Notas

↑ "Kuduro: the sound of Angolan dancefloors" Arquivado 17 de abril de 2009 en Wayback Machine., artigo en www.bbc.com (en inglés).

Véxase tamén

Ligazóns externas

MySpace de Buraka Som Sistema

[1] "Kuduro: the sound of Angolan dancefloors" Arquivado 17 de abril de 2009 en Wayback Machine., artigo en www.bbc.com (en inglés).

[1]