Brandon Boyd
  | |
| Biografía | |
|---|---|
| Nacemento | 15 de febreiro de 1976 (48 anos) Van Nuys, Estados Unidos de América (pt)  |
| Datos persoais | |
| País de nacionalidade | Estados Unidos de América |
| Educación | Moorpark College (en) - estudo da historia da arte Calabasas High School (en) |
| Actividade | |
| Lugar de traballo | Calabasas (pt) |
| Ocupación | cantante , compositor de cancións , pintor , músico , percusionista |
| Período de actividade | 1990 - |
| Membro de | |
| Xénero artístico | Rock alternativo |
| Lingua | Lingua inglesa |
| Tesitura | Tenor |
| Instrumento | Voz e Instrumento de percusión |
| Selo discográfico | Epic Records Immortal Records Sony Music Island Records |
| Obra | |
Obras destacables
| |
| Páxina web | enjoyincubus.com |
          | |
Brandon Charles Boyd, nado o 15 de febreiro de 1976 no barrio de Van Nuys, nos Ánxeles (California) é un músico e artista visual estadounidense. É coñecido sobre todo por ser o vocalista da banda de rock alternativo Incubus.
Traxectoria[editar | editar a fonte]
Dende moi pequeno, os pais de Brandon, Dolly e Charles, intentaron alimentar a creatividade do seu fillo a partir da experiencia que tiñan no mundo do espectáculo. Despois, na década dos 80, coñeceu a José Pasillas na escola primaria.
Cando estaba en secundaria, José Pasillas fíxose amigo do guitarrista Michael Einziger, comezando a tocar xuntos, e a eles uníuselles finalmente Alex Katunich, ao cal acababan de botar dun grupo de jazz. Ao principio só tocaban cancións de Megadeth, Metallica e Nirvana, nas cales José non estaba moi interesado, pero que lles fixeron tocar nalgunhas festas.
Un par de meses despois, ao descubrir as súas habilidades como vocalista, decidiron convidar a Brando a unirse ao trío. Nese momento decidiron comezar a compoñer cancións propias, e aos poucos foron facéndose máis coñecidos na zona.
Cando o grupo decidiu facer a súa primeira actuación en casa dun amigo chegou o momento de escoller un nome. A suxestión de Brandon, "Spiral Staircase", foi rexeitada en favor a de Mike, seleccionada aleatoriamente dun dicionario: Incubus, o cal denomina a un demo que se alimenta da enerxía sexual por medio de mozas virxes. A banda pensou que a palabra era boa, ou polo menos a súa definición. Brandon aproveitou as súas dotes artísticas e debuxou os panfletos que anunciaban as súas próximas actuacións. Ao principio, Brandon copiou algúns debuxos dun libro de educación sexual que a nai de Mike lles deixara, pero decidiron deixar de usalos xa que algúns seareiros quedaban un pouco confusos.
A súa voz foi o que máis chamou a atención á discográfica Epic/Immortal Records, e a banda asinou un contrato en 1996. O seu son definíase por unha mestura entre o rock alternativo e o funk e gravaron o seu primeiro álbum, Fungus Amongus, en 1997.
Os dous primeiros lanzamentos do grupo dentro do selo pasaron desapercibidos, pero os seguintes colleitaron un grande éxito comercial (S.C.I.E.N.C.E, Make Yourself e Morning View). O seu penúltimo álbum, A Crow Left of the Murder..., continuou coa exitosa carreira da banda, aínda que non foi tan eloxiado como os seus predecesores. En novembro de 2006 foi lanzado o disco de estudio Light Grenades, e en xuño do 2009 o recompilatorio Monuments and Melodies.
No ano 2011 Incubus rematou o seu sétimo álbum, If Not Now, When?, editado o 12 de xullo, ao que lle seguiu a súa correspondente xira promocional.
