Andoa dos piñeiros

Reino:	Fungi
Filo:	Basidiomycota
Clase:	Agaricomycetes
Orde:	Boletales
Familia:	Boletaceae
Xénero:	Boletus
Especie:	B. pinophilus

Nome binomial

'Boletus pinophilus'
Pilát & Dermek, 1973

Sinonimia

Boletus aestivalis var. pinicola (Vittad.) Sacc. 1910
Boletus edulis f. pinicola (Vittad.) Vassilkov 1966
Boletus edulis var. pinicola Vittad.
Boletus pinicola (Vittad.) A. Venturi 1863^[1]

A andoa dos piñeiros^[2] (Boletus pinophilus Pilat & Dermek), é un boleto basidiomiceto da orde Boletales. Aparece nalgúns locais de Galiza.

Descrición[editar | editar a fonte]

O cogomelo deste fungo posúe un chapeu de entre 6 e 30 centímetros de diámetro, con cutícula de cor marrón avermellada. Tubos case ceibos, de cor branca, despois amarelos e finalmente amarelos oliva. Pé de cor marrón clara, moi groso, que pode superar o diámetro do chapeu.

Hábitat e época[editar | editar a fonte]

Aparece na primavera e no verán con choivas, e principalmente polo outono. Adoitan medrar so piñeirais vellos de piñeiros rubios (Pinus sylvestris), aínda que tamén poden facelo en faiais.

Comestibilidade[editar | editar a fonte]

Excelente coma comestíbel, sendo un cogomelo moi apreciado en gastronomía.

Ollo!!: A determinación dun cogomelo e a súa comestibilidade poden ser realizadas e certificadas por micólogos expertos, ou os centros de control das autoridades sanitarias competentes. A información errónea ou incompleta pode causar danos por envelenamento ou intoxicación mortal. Cómpre evitar o consumo de cogomelos apañados no monte, xa que podería pór en risco a saúde de vostede e dos seus convidados.