Blanca Fernández Ochoa

Blanca Fernández Ochoa

Biografía
Nacemento	(es) Blanca Nieves Fernández Ochoa 22 de abril de 1963 Madrid, España
Desaparición	c. P746
Morte	c. agosto de 2019 (56 anos) Cercedilla, España
Causa da morte	Caída de altura
Datos persoais
País de nacionalidade	España
Actividade
Ocupación	esquiadora alpina
Lingua	Lingua castelá
Deporte	esquí alpino
Participou en
1992	alpine skiing at the 1992 Winter Olympics – women's slalom (en)  (Medalla de bronce olímpica)
1988	Esqui alpino nos Jogos Olímpicos de Inverno de 1988 (pt)
1984	Esqui alpino nos Jogos Olímpicos de Inverno de 1984 (pt)
1980	Esqui alpino nos Jogos Olímpicos de Inverno de 1980 (pt)
Familia
Irmáns	Francisco Fernández Ochoa
Premios  Medalla de Ouro da Real Orde do Mérito Deportivo

Blanca Nieves Fernández Ochoa, nada en Madrid o 22 de abril de 1963 e finada en Cercedilla en 2019, foi unha deportista española, destacada no esquí alpino. Era irmá do tamén esquiador Francisco Fernández Ochoa (1950-2006).

Foi a primeira muller española en conseguir unha medalla olímpica nuns Xogos Olímpicos de Inverno, concretamente a de bronce no slálom nos Xogos Olímpicos de Albertville 1992.

Traxectoria

Blanca foi a primeira filla que tivo o matrimonio formado por Dolores Ochoa e Francisco Fernández despois de cinco fillos homes. Naceu en Madrid cando a súa familia vivía no barrio de Carabanchel, pero axiña se trasladou cos seus pais e irmáns ao Porto de Navacerrada, que daquela contaba cunha poboación permanente moi reducida. Alí a súa infancia transcorreu en liberdade e en plena natureza entrando en contacto coa neve que cubría o porto durante case a metade do ano.

Con 11 anos e debido en gran parte ó éxito do seu irmán máis vello Paco (campión olímpico), Blanca trasladouse a un centro de adestramento con internado para deportistas de inverno en Vielha, no Pireneo de Lleida. Posteriormente uníronselle outros dos seus sete irmáns.

O 18 de xullo de 1991, con 28 anos de idade, contraeu matrimonio no Mosteiro do Escorial co italiano Danielle Fioretto, ó que coñecera con só 14 anos de idade cando esquiaba en Suíza. Acabaron divorciándose e contraeu segundo matrimonio con David Fresneda, con quen tivo dous fillos, David e Olivia, aínda que a unión tamén terminou en divorcio.

Participou como concursante en diversos programas de telerrealidade, como Supervivientes de Antena 3, El conquistador del Aconcagua, El conquistador del fin del mundo, ámbolos dous de EITB, e Splash! Famosos al agua de Antena 3 Televisión. Dende 2007 comezou a participar na empresa StarDreams, integrada por deportistas como Antonio Maceda, Julio Salinas, Albert Ferrer, Almudena Cid, Estela Giménez, Gervasio Deferr, Martín Fiz, Amaya Valdemoro, Fernando Romay ou Xavi Torres e dedicada principalmente ó asesoramento a directivos e executivos na mellora do rendemento laboral.

O 24 de agosto de 2019 foi vista por última vez, sendo denunciada a súa desaparición días despois, que deu inicio á uns traballos de busca sen precedentes na historia da Comunidade de Madrid. O seu corpo foi atopado preto do pico La Peñota, na contorna de Cercedilla, o 4 de setembro de 2019.

Palmarés

Xogos Olímpicos

• Albertville 1992:
  • Medalla de bronce en eslalon.

Copa do Mundo

• Mellor clasificación final: 4ª en 1988.
• Catro vitorias:

Data	Lugar	País	Disciplina
3 de marzo de 1985	Vail	Estados Unidos	Eslalon xigante
26 de novembro de 1987	Sestriere	Italia	Eslalon
22 de decembro de 1990	Morzine	Francia	Eslalon
1 de decembro de 1991	Lech am Arlberg	Austria	Eslalon

Premios e recoñecementos

• Premio Raíña Sofía á mellor deportista española en 1983 e 1988, outorgado polo CSD e entregado nos Premios Nacionais do Deporte.
• Medalla de Ouro da Real Orden del Mérito Deportivo, outorgada polo Consello Superior de Deportes (1994)