Beseño, Touro

Na Galipedia, a Wikipedia en galego.
Saltar ata a navegación Saltar á procura

Coordenadas: 42°52′28.62″N 8°14′13.93″O / 42.8746167, -8.2372028

Beseño
Igrexa de Beseño.jpg
Igrexa de Beseño
ConcelloTouro
Área6,12 km²
Poboación208 hab. (2012)
Densidade33,99 hab./km²
Entidades de poboación15

San Cristovo de Beseño é unha parroquia do concello de Touro, na comarca de Arzúa, na provincia da Coruña. Segundo o IGE en 2012 tiña 208 habitantes (109 homes e 99 mulleres) distribuídos en 10 entidades de poboación, o que supón unha diminución en relación ao ano 1999 cando tiña 259 habitantes.

Xeografía[editar | editar a fonte]

Sitúase ao leste do concello, e ten unha superficie de 6,12 km². Linda ao norte e leste con Arzúa, ao sur con Turces e ao oeste con Andeade e Quión. Amais dos 10 lugares recollidos no Nomenclátor, hai outros como A Gordela, Maroxa, A Pena, Tarrío ou A Pica.

Beseño atópase cheo de regatos. O máis importante é o río Beseño, que logo perde o seu nome para collelo de Merés (Turces e finaliza sendo un afluente do río Lañas (Quión). Mais tódalas augas rematan no río Ulla.

É unha parroquia chan onde abundan as agras para uso agrícola, existindo pouso masa forestal, concentrada no monte de Vilanova, lindando con Andeade, o monte da Estrapuza, entre Barrido e Forte.

Historia[editar | editar a fonte]

Durante o antigo réxime a parroquia de Beseño pertenceu á xurisdición de Budiño, na desaparecida provincia de Santiago, e ao concello do Pino, até a creación en 1835 do concello de Touro trala división territorial de España en 1833.

Turismo rural[editar | editar a fonte]

Conta cunha única casa de turismo rural, un edificio do século XVI, hoxe arranxado, que se chama A Pena de Augasantas.

Cultura[editar | editar a fonte]

Entre o froito musical, conta cunha banda de gaitas chamada A Esmorga. Tamén existe unha asociación de veciños no termo parroquial.

Para a práctica deportiva áchase unha pista polideportiva rubia de 40 m x 20 m de formigón puído nun dos campos de festa.

O mellor campo de lecer é o de Baiobre, entre un souto ao lado dunha capela e unha fonte, lugar belo onde comezan as celebracións estivais particulares da parroquia, a primeiros de xullo coa Santa Sabela. Outros festexos son a Festa da Xuventude, no último domingo de abril; o San Cristovo, os últimos non festivos de xullo; e a Augasantas en Oca de Abaixo en agosto.

Lugares e parroquias[editar | editar a fonte]

Lugares de Beseño[editar | editar a fonte]

Lugares da parroquia de Beseño no concello de Touro (A Coruña)

Baiobre | Barrido | Beseño de Abaixo | Beseño de Arriba | Forte | A Igrexa | Murgás | Oca de Abaixo | Oca de Arriba | Vilanova | A Gordela | Maroxa | A Pena | Tarrío | A Pica

Parroquias de Touro[editar | editar a fonte]

Galicia | Provincia da Coruña | Parroquias de Touro

Andeade (Santiago) | Bama (San Vicenzo) | Bendaña (Santa María) | Beseño (San Cristovo) | Calvos de Socamiño (San Martiño) | Circes (Santa Mariña) | Cornado (Santiso) | Enquerentes (San Miguel) | Fao (Santa Uxía) | Fontes Rosas (San Xoán) | Foxás (San Breixo) | Loxo (Santa María) | Novefontes (Santiago) | Prevediños (Santiago) | San Fiz de Quión (San Fiz) | San Miguel de Vilar (San Miguel) | San Pedro de Ribeira (San Pedro) | Touro (San Xoán) | Turces (Santa María)

Véxase tamén[editar | editar a fonte]

Outros artigos[editar | editar a fonte]