Bergara

Na Galipedia, a Wikipedia en galego.
Vista de Bergara.

Bergara en galego e éuscaro, en castelán Vergara, é un concello da provincia de Guipúscoa, País Vasco, pertencente á comarca do Alto Deva. Conta cunha poboación de 14.853 habitantes (2006).[1] A extensión do termo municipal é de 75,97 km², cunha densidade de poboación de 195,52 hab./km². A súa altitude é de 110 msnm.

Historia e características[editar | editar a fonte]

Bergara considerouse historicamente como a capital do Alto Deva. A súa situiación no cruzamento de camiños entre a vía de comunicación da costa cantábrica coa meseta castelá, pola que se exportaba a la, e as rotas que se adentraban en Guipúscoa, por Oñati, Elgeta e Zumarraga, e en Biscaia, por Elorrio, favoreceu o seu crecemento e a súa riqueza económica. Coa irrupción da industria a finais do século XIX e principios do XX, Bergara converteuse nun importante centro fabril centrado nas industrias téxtil e metalúrxica. A produción téxtil chegou a ser tan importante e característica que ao azul mahón se lle chamou "azul bergara".

Nos libros escolares de Historia de España, o nome da vila aparece na expresión o abrazo de Bergara. No século XIX Bergara aparece nas turbulencias das dúas primeiras Guerras Carlistas, onde se chegou a loitar nas sús rúas. O 31 de agosto de 1839 asínase en Bergara o tratado de paz que poría fin á Primeira Guerra Carlista no norte. O tratado fue asinado polos xenerais Rafael Maroto e Baldomero Espartero, os cales se abrazaron, polo que dito feito coñécese como o abrazo de Vergara. O lugar, que se chamaba Aseurrunz-bide azpiko soluase, pasou a denominarse Campo del Abrazo ou Campo del Convenio.

Notas[editar | editar a fonte]

  1. http://www.ine.es/inebase/cgi/axi Cifras de poboación referidas ao 01/01/2006. Real Decreto 1627/2006, de 29 de dicembro.
Commons
Commons ten máis contidos multimedia na categoría: Bergara