Bebida de améndoa

Na Galipedia, a Wikipedia en galego.
Botella de bebida de améndoa italiana.

A bebida de améndoa (mal chamada de leite de améndoa[1]) é un produto (leite vexetal) coa aparencia do leite de orixe animal, feito con puré de améndoas e auga. É popular como unha bebida refrescante no norte de África e Oriente Medio, rexión predominantemente musulmá. Mais recentemente, tornouse tamén unha bebida relativamente popular no occidente, principalmente entre os vexetarianos.[2]

É unha bebida importante no Mediterráneo, a rexión máis importante na produción de améndoas, desde a Idade Media; a razón para esta popularidade ten que ver coa facilidade en conservar, quer as améndoas, quer a mestura, ao contrario do leite de orixe animal, que ten unha caducidade temperá, a non ser que sexa transformado en queixo ou outros lácteos.

O leite de améndoas ás veces substitúe o leite de orixe animal nalgunhas receitas ou no caso de intolerancia á lactosa ou dietas especiais vexetarianas ou veganas.

Dietética[editar | editar a fonte]

A bebida de améndoa promóvese coma unha alternativa ao leite de vaca pois:

  • non contén caseína;
  • non ten perigo para as persoas intolerantes á lactosa ou alérxicas ao leite.

Contrariamente ao leite de orixe animal, o "leite" de améndoas non contén colesterol ou lactosa. Ten moitos menos ácidos graxos saturados ca o leite de vaca.

A bebida de améndoa é estritamente vexetariana. Tamén é recomendada coma alternativa á bebida de soia para os alérxicos á soia, ou os que desexan evitar as oleaxinosas polas súas propiedades estróxenas ou polo seu contido en hexano.

Notas[editar | editar a fonte]

  1. A lexislación europea reserva a denominación "leite" para o produto de orixe animal, polo que debe evitarse a utilización de "leite de améndoa" para este produto. A partir de Buscatermos da USC
  2. (en inglés) Leite de amêndoas no site WiseGeek.org Arquivado 03 de marzo de 2016 en Wayback Machine.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]