Barcelona Teatre Musical

Barcelona Teatre Musical
Tipo	teatro e sala de concertos
Parte de	Ciutat del Teatre
Sede	Barcelona Teatre Musical
Localización
41°22′18″N 2°09′19″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distrito	Sants-Montjuïc
Montaña	Montjuïc
[ Wikidata ]

Barcelona Teatre Musical (BTM) é un teatro de Barcelona situado na montaña de Montjuïc que forma parte, nun sentido amplo do termo, da denominada Ciutat del Teatre (Cidade do Teatro) xunto co Teatre del Mercat de les Flors, o Teatre Lliure, o Institut del Teatre e o Teatre Grec. Está situado no Palau Municipal d'Esports de Barcelona, que no ano 2000 abandonou as súas funcións deportivas para converterse nun recinto musical.

O Palau d'Esports, obra de Josep Soteras, construíuse en 1955 para a celebración dos Xogos do Mediterráneo. En 1969 albergou a final da Copa de Europa de baloncesto na que o CSKA Moscova gañou ao Real Madrid por 103-99. En 1973 acolleu a fase final do Campionato de Europa de baloncesto e en 1986 a fase previa e semifinais da Copa do Mundo de Baloncesto. En 1992 foi unha das sedes dos Xogos Olímpicos, acollendo competicións de ximnasia rítmica e voleibol.

Na década de 1990 deixou de acoller eventos deportivos para centrarse nos musicais e teatrais. No ano 2000 someteuse a unha remodelación completa para adecualo ás necesidades do recinto: a organización de espectáculos teatrais e musicais.