Atlas lingüístico galego

Na Galipedia, a Wikipedia en galego.
Saltar ata a navegación Saltar á procura

O Atlas Lingüístico Galego (ALGa) é un atlas lingüístico da lingua galega, proxecto fundacional do Instituto da Lingua Galega (ILG)[1].

Características[editar | editar a fonte]

Foi desenvolvido por Constantino García e mais Antón Santamarina, e os investigadores principais foron Francisco Fernández Rei, Manuel González González e Rosario Álvarez Blanco. O traballo de campo desenvolveuse por medio de enquisas en 167 puntos do dominio lingüístico da lingua galega. Estes puntos estaban na Comunidade Autónoma Galega (152) e en puntos das comarcas galegófonas de Asturias, provincia de León e provincia de Zamora (15).

As enquisas constaba de 2711 preguntas cunha media de 4000 formas recollidas por localidades. Esta recollida deu nunha base de datos de case medio millón de rexistros.

Volumes[editar | editar a fonte]

Están publicados os volumes:

  • I: Morfoloxía verbal (1990)
  • II: Morfoloxía non verbal (1995)
  • III: Fonética (1999)
  • IV: Léxico. Tempo atmosférico e cronolóxico (2003)
  • V: Léxico. O ser humano (I) (2005)
  • VI: Léxico. Terra, plantas e árbores (2015)
  • VII: Léxico. O ser humano (II) (2020)

Áchanse en fase de preparación os seguintes volumes[2]:

  • VIII: Léxico. Agricultura (I)
  • IX: Léxico. Fauna
  • X: Léxico. O ser humano (III)
  • XI: Léxico (título por determinar)
  • XII: Léxico (título por determinar)

Notas[editar | editar a fonte]