Arn Magnusson

Arn Magnusson é un personaxe literario creado polo escritor sueco Jan Guillou. É o personaxe principal de tres novelas de ficción histórica.

• Vägen till Jerusalem, "O camiño a Xerusalén" (1998).
• Tempelriddaren, "O cabaleiro templario" (1999)
• Riket vid vägens slut, "O reino ó final do camiño" (2000)

Traxectoria

Naceu no ano 1150, na leira do seu pai, Magnus Folkesson, chamada Arnäs. Desde moi pequeno viviu no Convento de Varnhem, do cal saíu aos dezasete anos.

Tras moitas fazañas, como cortarlle a man en duelo a Emund Ulvbane no Concilio de todos os Godos de 1167, namorouse de Cecilia Algotsdotter, coa cal, tras ter relación carnal sen ter casado, foron castigados, el con media vida (20 anos) de servizo no exército de Deus, os Cabaleiros Templarios, en Terra Santa, e ela media vida no convento de Gudhem.

En Terra Santa, logo dun par de anos, Arn foi nomeado comendador da orde na cidade de Gaza, logo, ocupou durante uns anos o cargo de Mestre de Xerusalén e optou ao cargo de Gran Mestre da Orde do Temple na cidade de Xerusalén.

Volveu a casa tras resultar milagrosamente vivo da batalla dos Cornos de Hattin, e casou con Cecilia logo de sacala do convento. Un fillo nacera mentres os dous estaban cumprindo o seu castigo, Magnus Arnsson, quen logo tomou o nome de Magnus Maneskold, pai de Birger Jarl.

Recoñécese a Arn Magnusson como o pai da vitoria ante o rei Sverker Karlsson e o exército danés na batalla de Lena e na de Gestilren.

Arn Magnusson morreu no ano de 1210, tras ser Irmán Lego dos Monxes Cistercienses, Templario e Mariscal dos Reis de Suecia Knut Eriksson e do seu fillo, Erik Knutsson.

Traducións

• Portugués (A Caminho de Jerusalém] / O Caminho para Jerusalém, O Cavaleiro Templário, O Novo Reino, O Legado de Arn)
• Danés (Historien om Arn: Vejen til Jerusalem, Tempelridderen and Riget ved vejens ende, Arven efter Arn)
• Inglés (The Knight Templar (Crusades Trilogy): The road to Jerusalem, The Knight Templar, The kingdom at the end of the road, The Heritage of Arn)
• Noruegués (Arn-trilogien: Veien til Jerusalem, Tempelridderen and Riket ved veiens ende, Arven etter Arn)
• Español (El camino a Jerusalén, El caballero templario, El reino al final del camino)
• Xermano (Die Götaland-Trilogie: Die Frauen von Götaland, Die Büßerin von Gudhem, Die Krone von Götaland)