Argo Navis

Na Galipedia, a Wikipedia en galego.
Debuxo da Argo Navis por Johannes Hevelius

Argo Navis foi (e, en certo sentido, segue a ser) unha extensa constelación no hemisferio sur celeste, que representaba o navío no que viaxaron Xasón e os Argonautas na mitoloxía grega. Esta é a única constelación descrita por Claudio Tolomeo que non se recoñece na actualidade. Polo seu gran tamaño (uns 1.884 graos cadrados, máis ca ningunha outra), foi dividida en varias constelacións menores por Nicolas Louis de Lacaille no século XVIII: estas son Carina (a Quilla), Puppis (a Popa), Vela (a Vela). Esta última ocupa o lugar que correspondería ó mastro do navío.

Estrelas importantes de Argo Navis[editar | editar a fonte]

Argo Navis de Johann Bayer

Argo Navis foi dividida por Lacaille moitos anos despois de que Johann Bayer lle aplicara o seu sistema para nomea-las estrelas. Nos nosos días continúa usándose a súa secuencia, aínda que hoxe en día xa non é recoñecida coma constelación. É dicir, Vela, Puppis e Carina, as constelacións derivadas deste extenso asterismo, comparten unha mesma designación de Bayer. É por isto que tanto Vela coma Puppis carecen de estrelas alfa e beta porque Alfa (α) e Beta (β) Argus Navis corresponden hoxe en día a Alfa e Beta Carinae. Carina, pola súa parte, carece de estrela gamma porque Gamma (γ) Argos Navis hoxe en día corresponde a Gamma Velorum (pertencente a Vela), e así sucesivamente.

Pyxis, a diferenza das outras tres, ten estrelas con designación alfa, beta, gamma e demais, aínda que as súas estrelas pertenceron antigamente á mesma constelación de Argo Navis. Isto débese a que, en tempos de Bayer, as estrelas que agora deliñan a Pyxis —todas de pouco brillo— non se atopaban entre as que trazaban a figura do navío. Cando Lacaille a crea no 1756 é, entón, cando as súas estrelas reciben a designación correspondente.

Véxase tamén[editar | editar a fonte]

Para ve-las referencias ó mito do navío, ir a:

Para ve-las referencias, artigos e constelacións nas que foi dividida a antiga constelación de Argo Navis, ir a:

Ligazóns externas[editar | editar a fonte]

Constelacións obsoletas incluíndo Argo Navis de Ptolomeo

Anser | Antinoo | Argo Navis | Asterion | Cancer Minor | Cerberus | Chara | Custos Messium | Felis | Frederici Honores/Gloria Frederici | Gallus | Globus Aerostaticus | Jordanus | Lochium Funis | Machina Electrica | Malus | Mons Maenalus | Musca Borealis | Noctua | Officina Typographica | Polophylax | Psalterium Georgii/Harpa Georgii | Quadrans Muralis | Ramus Pomifer | Robur Carolinum | Sceptrum Brandenburgicum | Sceptrum et Manus Iustitiae | Solarium | Tarandus vel Rangifer | Taurus Poniatovii | Telescopium Herschelii | Testudo | Tigris | Triangulum Minor | Turdus Solitarius | Vultur