Arcadio Silvosa

Na Galipedia, a Wikipedia en galego.
Arcadio Silvosa
Nacemento7 de agosto de 1958
Lugar de nacementoSan Xiao de Mos
Falecemento9 de xaneiro de 2023
Lugar de falecementoHospital Universitario Lucus Augusti
NacionalidadeEspaña
Ocupaciónxornalista e concelleiro
editar datos en Wikidata ]

Arcadio Silvosa Alonso, nado en San Xiao de Mos[1] o 7 de agosto de 1958,[2] e finado en Lugo o 9 de xaneiro de 2023, foi un xornalista e político galego.

Traxectoria[editar | editar a fonte]

Foi alumno do Instituto masculino de Lugo, onde recibiu clase de Xesús Alonso Montero, e onde coincidiu con Cuchús Pimentel.

Traballou como xornalista desde a década dos oitenta. Primeiro empezou no xornal El Ideal Gallego, na súa delegación luguesa, e despois deu o salto á radio, onde traballou na Ser (Radio Lugo) durante moitos anos. Na Ser foi unha referencia na cidade e chegou a ocupar o posto de xefe de informativos.[1]

Ademais, tamén traballou como xornalista de televisión, en Televisión Lugo (fundada por Xulio Xiz), e na prensa escrita (delegado en Lugo de El País e da axencia EFE).[1] Tamén ocupou cargos directivos na Asociación de Prensa de Lugo e foi secretario da Asociación de Veciños de San Froilán.[2]

En 2011 presentouse na candidatura do PP ás eleccións municipais por Lugo como número dous,[3] logo de Xaime Castiñeira, e saíu escollido concelleiro. Porén, non ocupou responsabilidades de xestión, senón na oposición. En 2012 sufriu un ictus, que o deixou paralizado de medio corpo, e abandonou a vida política. Presentouse de maneira simbólica pechando a lista do PP nas eleccións de 2015 pero loxicamente tampouco saíu elixido.

Retirado a unha residencia de Outeiro de Rei, pasou alí os derradeiros anos,[4] se ben faleceu no hospital lugués.[3]

Notas[editar | editar a fonte]

  1. 1,0 1,1 1,2 Palacios, Xosé M. (2023-01-09). "Muere Arcadio Silvosa, periodista de larga trayectoria en Lugo que también fue concejal". La Voz de Galicia (en castelán). Consultado o 2023-01-09. 
  2. 2,0 2,1 "Castiñeira rodéase dun equipo de profesionais «capaces, ilusionados e preparados» para facer fronte ao paro, á débeda e á inseguridade en Lugo – Partido Popular de Lugo". Consultado o 2023-01-09. 
  3. 3,0 3,1 "Fallece el periodista y exconcejal Arcadio Silvosa". El Progreso de Lugo (en castelán). 2023-01-09. Consultado o 2023-01-09. 
  4. Rodríguez, Marcos (2020-09-06). "Arcadio Silvosa: "A mí el bicho me pasó rozando"". El Progreso de Lugo (en castelán). Consultado o 2023-01-09.