Antonio Erias

Antonio Erias Rey
Portavoz do grupo municipal do PPdeG na Coruña
1999 – 2003
Sucedido por	Fernando Rodríguez Corcoba
Concelleiro na Corporación Municipal da Coruña por Partido Popular
1999 – 2003
Deputado nas Cortes Xerais por Provincia da Coruña
2004 – 2014
Vicepresidente Primeiro da Deputación da Coruña por Partido Xudicial da Coruña
1999 – 2003
Sucedido por	Xaime Bello
Datos persoais
Nacemento	26 de abril de 1952 (70 anos) Vigo, Galicia
Partido	Partido Popular
Cónxuxe/s	si
Fillos	3
Profesión	Economista, profesor e político
Residencia	A Coruña

Antonio Erias Rey, nado en Vigo o 26 de abril de 1952, é un político e economista galego.

Traxectoria

Licenciado e doutor en Economía pola Universidade de Santiago, é catedrático de Economía aplicada na Universidade da Coruña. Foi decano da facultade de Económicas da Coruña entre 1992 e 1999. É coordinador científico da Fundación Pedro Barrié de la Maza.

Militante do Partido Popular de Galicia, en 1999 abandona o decanato e é escollido polo seu partido para encabezar as listas coruñesas ás municipais de 1999, e aínda que sofre unha severa derrota permanece como voceiro municipal na Coruña. Como tal, foi vicepresidente da deputación da Coruña con José Luis Torres Colomer, entre 1999 e 2003. En 2003 abandona a política municipal e en marzo de 2004 encabeza a lista electoral do PP pola Coruña, e sae elixido como deputado. No Congreso dos Deputados ocupou o cargo de voceiro adxunto da Comisión Economía do Partido Popular, e tamén integrou a comisión de medio ambiente.

Repetiu como cabeza de lista nas eleccións de 2008 e nas de 2011, e nos dous casos resultou elixido.

Obras

• Política monetaria y política fiscal, escrito con José Manuel Sánchez Santos. Pirámide, 1998.
• La eficiencia hospitalaria en Galicia: Un análisis no-paramétrico, Banco Pastor, 1998.
• Evaluación ambiental y desarrollo sostenible, escrito con José Manuel Álvarez-Campana Gallo. Anaya, 2007

Véxase tamén

Outros artigos

• Lista de deputados galegos no Congreso desde a Transición