Antón Grande

Antón Grande

Biografía
Nacemento	8 de xullo de 1953 (70 anos) Lugo, España
Datos persoais
País de nacionalidade	España
Actividade
Ocupación	xornalista
Xénero artístico	narrativa
Lingua	Lingua galega

Antón Grande Penela, nado en Lugo o 8 de xullo de 1953, é un xornalista e escritor galego.

Traxectoria

Como xornalista leva traballando desde 1979, desempeñando os cargos de xefe de informativos de Radio Lugo-Cadena SER, redactor de El Progreso, onde foi logo responsable das seccións de monográficos e de cultura. Na actualidade^[cando?] é redactor xefe de Localia-Telelugo.

Ademais de en libros, ten publicada obra narrativa en revistas como Coordenadas, Atlántico Express, Luzes de Galiza, Cuadernos del Norte ou Grial. Actualmente^[cando?] escribe en La Voz de Galicia artigos de opinión.

Obras

Narrativa

• Pucharcas 1987, Asociación Cultural Atlántico Express.
• Tabernarios, 1992, Deputación de Lugo.
• Madia leva!, 2007, Alvarellos.

Entrevistando a Darío X. Cabana.

Obras colectivas

• Os escritores lucenses arredor de Ánxel Fole, 1986, Concello de Lugo.
• Homenaxe a don Paco del Riego, fillo adoptivo de Nigrán, 2003, Edicións do Cumio.
• Escrita Contemporánea, homenaxe a Ánxel Casal, 2005, Asociación de Escritores en Lingua Galega.

Premios

• Premio Galicia de Xornalismo no 1989, por unha serie de artigos de investigación, publicados en El Progreso, sobre a loita e a vida dos maquis en Galicia.
• Gañador do primeiro premio de narrativa Álvaro Paradela de Ferrol, co conto titulado O reloxo.
• Premios de narrativa e poesía en Meigas e Trasgos de Sarria.
• Segundo premio Pedrón de Ouro de guións radiofónicos.

Véxase tamén

Ligazóns externas

• Antón Grande na páxina web da Asociación de Escritoras e Escritores en Lingua Galega.