Antón Arias Curto
| Biografía | |
|---|---|
| Nacemento | 1944  (80/81 anos)Monforte de Lemos, España |
| Actividade | |
| Ocupación | mecánico industrial |
| Membro de | |
| Outro | |
| Fillos | Lhosca Arias |
| Condenado por | terrorismo (1980) → (3 encarceramento) → Final: 1983, Amnistía terrorismo (1988) → (7,5 encarceramento) → Final: setembro de 1995, cumprimento da condena |
Antón Arias Curto, nado en Monforte de Lemos en 1944, é un militante independentista galego, líder da organización terrorista Loita Armada Revolucionaria (LAR), activa entre 1978 e 1980 e do Exército Guerrilheiro do Povo Galego Ceive entre 1986 e 1988.[1][2]
Traxectoria
[editar | editar a fonte]Traballou como mecánico industrial e durante o franquismo foi un dos fundadores do Partido Comunista de Galicia en París en 1969, e o Tribunal de Orde Pública condenouno en 1970. A morte de Moncho Reboiras e a de dous traballadores en Vigo en 1972 fíxoo achegarse ao independentismo galego.
Nas eleccións municipais de 1979 encabezou a candidatura de Unidade Galega á alcaldía de Monforte de Lemos,[3] e foi escollido concelleiro. Detido polo seu vínculo con Loita Armada Revolucionaria (LAR) en setembro de 1980, tamén foi acusado de recibir armas a través do membro de ETA Txomin Iturbe, quen llas entregou en Vitoria.[4] Ademais, recibiu formación en armas e explosivos con ETA.[2]
En 1983 o goberno do PSOE amnistiouno, pero en 1986 foi un dos principais responsables da fundación do Exército Guerrilheiro do Povo Galego Ceive (EGPGC).[5] Foi novamente detido o 5 de maio de 1988[6] e condenado a 10 anos de prisión. En setembro de 1995 foi liberado ao cumprir as dúas terceiras partes da condena.
Vida persoal
[editar | editar a fonte]Pai do produtor audiovisual Lhosca Arias.
Notas
[editar | editar a fonte]- ↑ Conde Muruais, P. (7 de setembro de 1980). "Nacionalistas gallegos, acusados de mantener contactos con ETA". El País (en castelán).
- ↑ 2,0 2,1 José Luis Orella (2020). Universidad CEU San Pablo, ed. "El terrorismo en la Europa del bienestar. Del Mayo del 68 a la caída del Muro" (PDF). Consultado o 6 de outubro de 2023.
- ↑ BOP Lugo, 2-3-1979, p. 4.
- ↑ Conde Muruais, P. (7 de setembro de 1980). "Nacionalistas gallegos, acusados de mantener contactos con ETA". El País (en castelán)..
- ↑ Fernández Baz, M. A. (2003). A formación do nacionalismo galego (1963-1984). Laiovento. p. 167.
- ↑ Pereiro, X. M. (30 de maio de 1988). "Del comunismo al nacionalismo". El País (en castelán).