Alphonse Trémeau de Rochebrune
  | |
| Nome orixinal | Alphonse Amédée Trémeau de Rochebrune |
|---|---|
| Biografía | |
| Nacemento | 18 de setembro de 1836 Saint-Savin, Vienne (Francia) |
| Morte | 23 de abril de 1912 París |
| País de nacionalidade | francesa |
| Actividade | |
| Ocupación | botánico, zoólogo |
| Membro de | |
| Obra | |
| Abreviación dun autor en botánica | Rochebr. |
| Abreviatura do autor en zooloxía | Rochebrune |
Alphonse Amédée Trémeau de Rochebrune, nado o 18 de setembro de 1836 en Saint-Savin, Vienne (Francia),[1][2] e finado o 23 de abril de 1912 en París, foi un botánico, malacólogo e zoólogo francés.
Traxectoria
[editar | editar a fonte]Fillo dun conservador do Museo de Historia Natural de Angoulême, licenciouse en medicina e ingresou no exército como médico militar, alcanzando o cargo de axudante maior en 1870. Despois de obter o título e doutor en 1874, estableceuse en África, en Saint-Louis (Senegal).
En 1878 pasou a traballar no Museo Nacional de Historia Natural de Francia, en París, como prrparador no laboratorio de antropoloxía, e despois substitúe a Victor Bertin (1849-1880) como naturalista axudante do laboratorio de moluscos, vermes e zoófitos, despois da morte de Bertin, ocupando esta función até a súa xubilación en 1911.
Nas súas cento cincuenta publicacións, abordou os asuntos máis variados: desde a xeoloxía á paleontoloxía, desde a botánica á malacoloxía. Pódese citar especialmente o seu Catalogue des plantes phanérogames qui croissent spontanément dans le département de la Charente (1860) que realizou con Alexandre Savatier (1824-1886).
En 1882-1883, participa, co malacólogo francés Jules François Mabille na expedición científica aos mares do Sur (océano Pacífico) e ao cabo de Fornos. Como resultado desta expedición ambos os científicos describiron numerosas novas especies de moluscos. En 1889 Rochebgrunne escribiu informes sobre a súa extensa investigación. Grazas a estes estudos, fixo que o coñecemento dos moluscos progresara amplamente.[3]
Alphonse Trémeau de Rochebrune describiu por primeira vez unha lapa do paleolítico en 1854, en Mouthiers-sur-Boëme (Charente).[Cómpre referencia]
Por outra parte, en 1883, describiu a nova tribo dos Alcelaphini, única da familia dos Alcelaphinae, antílopes africanos.[4]
Algunhas publicacións
[editar | editar a fonte]- 1833 - Faune de la Sénégambie. Poissons.
- 1833 - Faune de la Sénégambie. 2. Mammifères.
- 1833 - Faune de la Sénégambie. 3. Oiseaux.
- 1833 - Faune de la Sénégambie. 4. Reptiles.
Abreviatura
[editar | editar a fonte]A abreviatura Rochebrune emprégase para recoñecer a Alphonse Trémeau de Rochebrune como autoridade na descrición e taxonomía en zooloxía.
Notas
[editar | editar a fonte]- ↑ Jaussaud, Philippe & Brygoo, Édouard R. 2004, p. 453.
- ↑ Adler, Kraig 2007, p. 106.
- ↑ Expédition scientifique française au Cap Horn Arquivado 28 de novembro de 2012 en Wayback Machine..
- ↑ Alcelaphini en Sistemática dos bóvidos (Stefan Hintsche, 2014), en stco.de
Véxase tamén
[editar | editar a fonte]Bibliografía
[editar | editar a fonte]- Adler, Kraig (2007): Contributions to the history of herpetology. Volume 2. Issued to commemorate the Society's 50th anniversary meeting, Saint Louis 2007. St. Louis, Missouri, USA: Society for the Study of Amphibians and Reptiles. ISBN 9788-0-9169-8471-7.
- Dayrat, Benoît (2003): Les Botanistes et la Flore de France, trois siècles de découvertes. París: Publications scientifiques du Muséum national d’histoire naturelle. ISBN 2-85653-548-8.
- Jaussaud, Philippe & Brygoo, Édouard R. (2004): Du Jardin au Muséum en 516 biographies. París: Muséum national d’histoire naturelle de Paris. ISBN 2-8565-3565-8.
