Alistair Te Ariki Campbell

Alistair Te Ariki Campbell
Biografía
Nacemento	25 de xuño de 1925 ; Illa de Rarotonga, Illas Cook
Morte	16 de agosto de 2009 (84 anos); Wellington, Nova Zelandia
Datos persoais
País de nacionalidade	Nova Zelandia
Educación	Universidade Vitoria de Wellington ; Otago Boys' High School (pt)
Actividade
Ocupación	letrista , poeta , escritor
Lingua	Lingua inglesa
Familia
Cónxuxe	Meg Campbell ; Fleur Adcock
	Premios (2005) Prime Minister's Award for Literary Achievement (Poetry) (en) ; Officer of the New Zealand Order of Merit (en) ;

Alistair Te Ariki Campbell, nado o 25 de xuño de 1925 en Rarotonga e finado o 16 de agosto de 2009 ^[1], foi un escritor neozelandés, orixinario das Illas Cook.

Traxectoria[editar | editar a fonte]

Nado dunha nai maorí, Teu Bosini e dun pai neozelandés Jock Campbell, pasou a súa infancia en Penrhyn, illa de onde era orixinaria a súa familia materna, logo da morte de súa nai en 1932 por tuberculose, e de seu pai ao ano seguinte, enviárono cos seus dous irmáns ao orfanato de Dunedin (Nova Zelandia).

En 1943 comezou a estudar na Universidade de Otago, despois ingresou no "Wellington Teachers College", non rematou os seus estudos e comezou a traballar como xardineiro do hospital da Cruz Vermella de Wellington, dedicándose ao tempo a ler e escribir, publicando o seu primeiro poema en 1950, "Elegy", na revista literaria "Mine Eyes Dazzle". Nese mesmo ano casou coa escritora Fleur Adcock, antes de divorciarse en 1958 para se unir a unha actriz nova, Meg Anderson. En 1961 publicou unha novela infantil, "The Happy Summer". Os seus primeiros escritos reflicten apenas reflicten as súas orixes polinésicas, será a partir da década de 1960, cando comeza a se interesar pola historia dos maorís de Nova Zelandia, en 1963 publicou "Sanctuary of Spirits", unha historia dos Ngati Toa, tribo instalada preto de Pukurua Bay; nos anos seguintes compuxo unha serie de poemas sobre o mesmo tema, finalmente publicados en 1972 nunha escolma titulada "Kapiti". En 1974, unha das súas pezas "When the Bough Breaks" púxose en escena en Wellington. Entre 1976 e 1979 foi presidente do PEN Club de Nova Zelandia.

En 1979 retorna por primeira vez ás Illas Cook, visitando Rarotonga e Penrhyn, inspirándolle unha das súas composicións máis célebres, "The Dark Lord of Savaiki" aparecida en 1980 e tamén "Stone Rain: The Polynesian Strain" (1992). En 1984 publicou as súas memorias co título de "Island to Island".

En 2005, Alistair Te Ariki Campbell recibiu pola súa obra o "Prime Minister’s Awards for Literary Achievement"