Alfonso Álvarez Gándara
Alfonso Álvarez Gándara, nado en Tui en 1939, é un avogado e político galego.
Traxectoria
Fillo de Darío Álvarez Blázquez e irmán de Darío Álvarez Gándara. Articulista na prensa galega, en 1967 recibiu o premio Fernández Latorre polo seu artigo La Iglesia no habla la misma lengua que los gallegos. Foi un dos promotores do Movemento Socialista de Galicia e tras a integración deste co Partido Socialista Galego foi candidato a deputado nas eleccións xerais de 1977. Elixido concelleiro nas eleccións municipais de 1979 nas listas de Unidade Galega Foi secretario xeral do Partido Galeguista (1981-1983). Exerce como decano do Colexio de Avogados de Vigo desde 1989[1] e foi presidente do Consello da Avogacía Galega.