Aldo Puccinelli

Puccinelli
Información persoal
Nome	Aldo Puccinelli
Nacemento	25 de decembro de 1920
Lugar de nacemento	Bientina
Falecemento	11 de marzo de 1994
Lugar de falecemento	Livorno
Altura	1,55 m.
Posición	Dianteiro
Carreira xuvenil
	Pontedera
Carreira sénior
Anos	Equipos	Aprs	(Gls)
1939–1940	Pontedera
1940–1943	Lazio	52	(11)
1943–1944	Massese	8	(2)
1944–1945	S. Croce sull'Arno
1945–1955	Lazio	287	(66)
1955–1957	Livorno	61	(15)
Selección nacional
	Italia B	4	(3)
Adestrador
1957–1959	Cuoiopelli
1959–?	Cascina
1961–1962	Siena
1962–1963	Empoli
1964–1965	Viareggio
1969–1970	Livorno
1973–1974	Cuoiopelli
1975	Livorno
Partidos e goles só en liga doméstica. [ editar datos en Wikidata ]

Aldo Puccinelli, nado en Bientina o 25 de decembro de 1920 e finado en Livorno o 11 de marzo de 1994, foi un futbolista e adestrador italiano. Xogaba como dianteiro e militou durante 15 anos na Lazio, converténdose nun símbolo do club. É o segundo futbolista con maior número de partidos de liga disputados coa camiseta do club (339), só por detrás de Ștefan Radu.

Traxectoria

Como xogador

Comezou a xogar ao fútbol no Pontedera e en 1940 foi fichado pola Lazio, na que militou durante os seguintes 15 anos. Chegou a Roma con só 20 anos, pisando por primeira vez unha gran cidade. Despois dun ano no club e con só dúas aparicións no primeiro equipo, gustoulle enseguida ao adestrador da tempada seguinte (1941-42), o austríaco Popovic, quen lle encomendou a camiseta de titular.

Puccinelli (de pé, primeiro dende a dereita) ata o Lazio en 1940-1941

Empezou xogando na banda esquerda e só despois da guerra pasou a aparecer principalmente pola dereita. O 24 de maio de 1942 marcou o gol do empate (1-1) nun derbi coa Roma que máis tarde gañaría o scudetto.

A súa carreira tamén estivo influenciada polos acontecementos bélicos, que romperon un dos mellores momentos da súa carreira, xa que se viu obrigado a abandonar Roma e regresar á Toscana para estar preto da súa familia nos momentos máis duros do conflito. Despois da guerra, con todo, volveu á "Cidade Eterna" para retomar o seu lugar nas filas da Lazio.

Foi un elemento básico dunha formación que incluía, entre outros, aos irmáns Sentimenti (Lucidio, Vittorio e Primo), Francesco Antonazzi e Romolo Alzani. Con ese equipo, a Lazio acadou o cuarto posto en liga tres veces seguidas, entre finais dos anos 40 e principios dos 50. Disputou co club romano un total de 342 partidos oficiais (339 na liga e 3 na Copa Italia), nos que marcou 78 goles, e foi capitán do equipo na parte final do seu paso polo club.

En 1955 fichou polo Livorno, onde xogou ata 1957, cando colgou as botas.

Adestrador

Unha vez rematada a súa carreira como futbolista, Puccinelli iniciou unha carreira como adestrador, que comezou a mediados da década de 1950 co Cuoiopelli toscano. Pasou despois polo Cascina, o Siena, o Empoli, o Viareggio, e en 1969 sentou no banco do Livorno, equipo que máis tarde dirixiría tamén na parte final da tempada 1974/75.

Faleceu en 1994 aos 73 anos.

Palmarés como adestrador

Empoli

• Serie D (1): 1962/63.