Romolo Alzani

Alzani
Información persoal
Nome	Romolo Alzani
Nacemento	6 de marzo de 1921
Lugar de nacemento	Roma
Falecemento	3 de outubro de 2002
Lugar de falecemento	Roma
Altura	1,77 m.
Posición	Defensa e centrocampista
Carreira xuvenil
	Alba Roma
1934–1938	Roma
Carreira sénior
Anos	Equipos	Aprs	(Gls)
1938–1941	Roma	0	(0)
1939–1940	→ Rimini	25	(0)
1941–1944	Ala Italiana
1944–1945	MATER
1945–1955	Lazio	263	(7)
1955–1956	Foligno
Partidos e goles só en liga doméstica. [ editar datos en Wikidata ]

Romolo Alzani, nado en Roma o 6 de marzo de 1921 e finado na mesma cidade o 3 de outubro de 2002, foi un futbolista italiano. Xogaba como defensa e centrocampista e desenvolveu a maior parte da súa carreira na Lazio.

Traxectoria

Como xogador

Formouse como futbolista no Alba da súa Roma natal e durante a Segunda guerra mundial xogou no campionato romano, primeiro nas filas do Ala Littoria e despois no MATER.

Por recomendación de Fulvio Bernardini, foi adquirido pola Lazio no verán de 1945 e debutou co equipo capitolino o 21 de outubro dese ano nun partido na casa ante o Pro Livorno que rematou cun resultado de 0-2. Formou a defensa da Lazio durante os seguintes anos xunto aos irmáns Sentimenti (III e IV), Antonazzi, Furiassi e Malacarne.

Militou durante unha década no club, co que disputou 263 partidos de liga, marcando 7 goles. Retirouse en 1956, despois dunha última campaña no Foligno.

Como adestrador

Tras a súa retirada traballou como adestrador e tivo un posto no Sector Técnico Federal, primeiro como seleccionador da selección semiprofesional e despois na de afeccionados.

A finais dos anos sesenta pasou a ser coordinador do sector xuvenil do sector futbolístico do CONI.