Alberto González Fernández (político)
| Biografía | |
|---|---|
| Nacemento | 7 de abril de 1968  (56 anos)Ferrol, España |
 Alcalde de Valdoviño | |
| 2015 – ← José Antonio Vigo Lago | |
| Actividade | |
| Ocupación | político, arqueólogo |
| Partido político | Partido dos Socialistas de Galicia |
Alberto González Fernández, nado en Ferrol o 7 de abril de 1968, é un político e arqueólogo galego do PSdeG-PSOE.
Traxectoria
[editar | editar a fonte]Arqueólogo, pertence ó Corpo Facultativo Superior da Xunta de Galicia. A finais dos 90 creou a empresa Adóbrica Arqueoloxía[1]. Foi presidente do Consello Reitor da Cooperativa agraria de Lago[2]. Nas eleccións municipais de 2007 foi o candidato do PSdeG-PSOE á alcaldía de Valdoviño, logrando a vitoria por maioría simple. Porén non acadou a alcaldía, que foi para a candidata de Terra Galega que pactou co PPdeG e o concelleiro independente de UIV. En xullo de 2007 foi nomeado delegado territorial da Consellería de Política Territorial na Provincia da Coruña, onde se mantivo ata a vitoria do PPdeG nas Eleccións ao Parlamento de Galicia de 2009. Posteriormente, volveu a selo candidato socialista á alcaldía valdoviñesa nas municipais de 2011, se ben non acadou a alcaldía xa que foi superado polo PPdeG, permanecendo como portavoz na oposición.
Nas municipais de 2015 volveu a encabezala candidatura do PSdeG-PSOE en Valdoviño e logrou a vitoria con 6 concelleiros, a 1 da maioría absoluta, polo que foi elixido alcalde co apoio do edil de Centristas de Valdoviño e gobernou en minoría. Nas municipais de 2019 foi reelixido alcalde ó lograr unha ampla maioría absoluta (9 concelleiros de 13 e un 61% dos votos), sendo o primeiro alcalde valdoviñés da democracia que logrou tanto ser reelixido como maioría absoluta.
| Predecesor: José Antonio Vigo Lago |
Alcalde de Valdoviño 2015 - actualidade |
Sucesor: no cargo |