José Antonio Vigo Lago
| José Antonio Vigo Lago | |
|---|---|
| Nacemento | 1949 |
| Lugar de nacemento | Meirás |
| Falecemento | 12 de xuño de 2020 |
| Lugar de falecemento | Ferrol |
| Nacionalidade | España |
| Ocupación | político |
| [ editar datos en Wikidata ] | |
José Antonio Vigo Lago, nado en Meirás (Valdoviño) en 1949 e finado en Ferrol o 12 de xuño de 2020, foi un político galego do PPdeG.
Traxectoria[editar | editar a fonte]
Prexubilado da Inspección de Obras de Defensa. Foi presidente da ANPA do colexio de Valdoviño e fundador da Asociación de veciños "As Chaves" de Loira. En 2011 encabezou a candidatura do PPdeG á alcaldía de Valdoviño, onde foi a lista máis votada pero sen maioría absoluta. Resultou elixido alcalde co apoio dos dous representantes de Centristas de Valdoviño. Estableceu un goberno de coalición, dende febreiro de 2013, xunto con Converxencia Galega e Unidos por Valdoviño[1]. Presentouse de novo en 2015 pero perdeu a alcaldía ó ser derrotado polo PSdeG-PSOE.
| Predecesor: María Isabel Álvarez Diéguez |
 Alcalde de Valdoviño 2011 - 2015 |
Sucesor: Alberto González Fernández
|
Vida persoal[editar | editar a fonte]
Estaba casado e tiña 2 fillos. Finou no Hospital de Ferrol o 12 de xuño de 2020[2].