Akimiski

Na Galipedia, a Wikipedia en galego.
Akimiski
AkimiskiCloseup.png
Mapa da illa
Akimiskiisland.png
Localización da illa
Situación
País Flag of Canada.svg Canadá
Provincias e territorios do Canadá Nunavut
Mar Baía de James, na Baía de Hudson
Coordenadas 53°00′N 81°20′O / 53.000, -81.333Coordenadas: 53°00′N 81°20′O / 53.000, -81.333
Xeografía
Superficie 3.001 km²
Longura máxima 99´3 km.
Largura máxima 40´7 km.
Perímetro 261 km.
Punto máis alto 34 m.
Demografía
Poboación Deshabitada
James bay in summer.jpg

A Illa Akimiski (Akimiski Island) é a illa máis grande da Baía de James (área sueste da Baía de Hudson), Canadá, que forma parte da Rexión de Qikiqtaaluk do territorio de Nunavut.

Xeografía[editar | editar a fonte]

Ten unha superficie de 3.001 km² , o que a fai ocupar o lugar 164ª do mundo e 29ª de Canadá.

A illa está deshabitada, só edificacións para científicos e funcionarios do Santuario de Paxaros Migratorios da Illa Akimiski, establecido en 1941. A superficie de Akimiski é plana, con ladeiras orientadas gradualmente cara ao norte. A maior parte da vexetación que cobre a illa componse de líquens, brións, herbas Cyperaceaes e abetos negros ananos. A metade oriental da illa é un santuario de aves migratorias. A illa é un humidal costeiro que inclúe marismas, pantanos de marea, e marismas de marea. Algúns arroios de auga doce que desembocan no suroeste da Baía de James levan como sedimentos abundantes nutrintes que axudan a manter o produtivo hábitat das aves acuáticas ao redor da Illa Akimiski.

Natureza[editar | editar a fonte]

A Illa Akimiski é o fogar dun dos Santuarios de Aves Migratorias.Véxase lista de aves do parque en: [1] As augas costeiras e os humidais de Illa Akimiski (e da Baía de James, en xeral) son importantes áreas de alimentación para moitas variedades de aves migratorias. A Baía de James e a Baía de Hudson teñen forma de embude e iso é a causa de que a migración de aves desde o Ártico tenda a concentrarse neste ámbito. Durante a migración do outono, existe unha abundancia de aves, tanto adultas como novas. Na primavera, as aves tenden a residir nas zonas meridionais da Baía de James ata a sección norte en desxeo. O Grupo da Illa Akimiski inclúe as illas de Akimiski, Gasket e illas Gullery; Albert Shoal e as illas do Estreito de Akimiski.

Bibliografía[editar | editar a fonte]

  • Blaney, C S, and P M Kotanen. 2001. "Articles - The Vascular Flora of Akimiski Island, Nunavut Territory, Canada". The Canadian Field-Naturalist. 115, no. 1: 88.
  • Hill, Michael Robert John. Factors Influencing Pre- and Post-Fledging Growth and Survival of Canada Goose Goslings on Akimiski Island, Nunavut. Ottawa: National Library of Canada = Bibliothèque nationale du Canada, 2000. ISBN 0612425274
  • Martini, I. P. Sedimentary Geology of Akimiski Island, Canada. Sedimentary geology, v. 37, no. 4. Amsterdam: Elsevier, 1984.

Ligazóns externas[editar | editar a fonte]