Agios Efstratios
Agios Efstratios | |
---|---|
Άγιος Ευστράτιος | |
vista da illa | |
Situación da illa | |
Situación | |
País | Grecia |
Periferias de Grecia | Exeo Setentrional |
Mar | Mar Exeo |
Coordenadas | 39°31′N 25°00′L / 39.517, -25.000Coordenadas: 39°31′N 25°00′L / 39.517, -25.000 |
Xeografía | |
Xeoloxía | Illa volcánica |
Superficie | 43´325 km² |
Demografía | |
Poboación | 270 (2011) |
Densidade | 6´24 hab./km² |
Agios Efstratios ou San Eustaquio (grego: Άγιος Ευστράτιος) é unha pequena illa grega no norte de mar Exeo a 30 km ao suroeste de Lemnos e 80 km ao noroeste de Lesbos. Xunto con Lemnos e os illotes próximos forma a unidade rexional de Lemnos, parte dos arquipélagos gregos da rexión do Exeo Setentrional.
Nome[editar | editar a fonte]
A illa leva o nome de San Eustaquio (Όσιος Ευστράτιος ο Θαυματουργός), que viviu como exiliado na illa no século IX, porque se opoñía ás políticas iconoclastas do emperador bizantino León V o Armenio. A súa tumba aínda é mostrada polos habitantes. A illa é mencionada no Isolario por Cristoforo Buondelmonti en 1420 como Sanstrati. foi coñecida como "Bozbaba" durante o dominio otomán.
Xeografía[editar | editar a fonte]
Agios Efstratios é tranquila, illada e seca, cunha poboación aproximada de 300 persoas. O clima é árido, con escasas precipitacións durante os meses de inverno e veráns longos e calorosos. A paisaxe é principalmente rochosa, con vexetación escasa e baixa. Os cultivos son insignificantes; o mar circundante, con todo, é rico en peixes que son capturados polos pescadores locais. Hai numerosas praias na illa, como Agios Antonio, Lemonies, Avlakia e outras, á maioría das cales se accede por barco. A illa Agios Efstratios está conectada por barco con Lemnos, Agios Konstantinos, Kymi e Kavala.
Historia política recente[editar | editar a fonte]
A illa foi utilizada para albergar preso políticos en exilio interno polo Réxime Metaxas na década de 1930. O 19 de febreiro de 1968, un terremoto (7´1 na escala de Richter) derribou a maioría das casas,[1] que foron dubstituídas por construcións prefabricadas de formigón dispostos nunha formación similar a un campamento militar. No entanto, a illa conserva unha capital moi atractiva, tamén chamada Agios Efstratios, preservada ao mesmo tempo un ambiente mediterráneo nun lugar virxe, con praias de augas cristalinas. É sobre todo un lugar para a relaxación e a meditación. Durante a Ditadura dos Coroneis, a illa foi utilizada de novo como unha prisión para os disidentes políticos. Un dos seus máis famosos prisioneiros foi Mikis Theodorakis, activista político e compositor musical.
Primeira illa verde de Grecia[editar | editar a fonte]
Athens News Agency informou que, o 4 de xuño de 2009, na conferencia internacional de dous días en Atenas sobre o "Cambio climático e Desafíos para as xeracións futuras",baixo o patrocinio da UNESCO, o ministro de Desenvolvemento de Grecia Kostis Hatzidakis dixo que Agios Efstratios pronto se convertería na primeira illa "verde" do país, totalmente impulsada por fontes de enerxía renovable (FER),[2][3]. Os seus residentes dependen da enerxía solar e eólica xerada e móvense ao redor da illa en bicicletas e coches eléctricos. Agios Efstratios está incluído na rede Natura 2000 das áreas da natureza protexidas da Unión Europea.[Cómpre referencia]
Galería[editar | editar a fonte]
-
Vista do porto de Agios Efstratios
-
Outra vista do porto de Agios Efstratios
Notas[editar | editar a fonte]
- ↑ Επίτομο Γεωγραφικό Λεξικό της Ελλάδος (Geographical Dictionary of Greece), Μιχαήλ Σταματελάτος, Φωτεινή Βάμβα-Σταματελάτου, εκδ. Ερμής, ΑΘήνα 2001
- ↑ "Conference on climate change ends with Athens Declaration". Athens News Agency: Daily News Bulletin in English, (en inglés). Athens News Agency (3211). 4 de xuño de 2009. Consultado o 2 de abril de 2019.
- ↑ "Copia arquivada". Arquivado dende o orixinal o 08 de xuño de 2009. Consultado o 19 de xullo de 2016.
Véxase tamén[editar | editar a fonte]
Wikimedia Commons ten máis contidos multimedia na categoría: Agios Efstratios |