Terremoto

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Epicentros de terremotos na Terra, 1963-1998 (cortesía NASA.

Un terremoto ou sismo é un fenómeno de vibración brusca e pasaxeira da codia da Terra, orixinado por movementos subterráneos de placas rochosas, de actividade volcánica, ou por movemento (migración) de gases no interior da Terra, principalmente metano. O movemento asociado é causado pola liberación rápida de grandes cantidades de enerxía na forma de ondas sísmicas.

Datos[editar | editar a fonte]

A maior parte dos terremotos ocorren nas fronteiras entre placas tectónicas ou en fallas entre dous bloques rochosos. A lonxitude dunha falla pode variar dalgúns centímetros ata milleiros de quilómetros, como é o caso da falla de Santo André, na California.

Só nos Estados Unidos ocorren de 12.000 a 14.000 terremotos anualmente (ou sexa, aproximadamente 35 por día). En base a rexistros históricos de longo prazo, pódense esperar por ano aproximadamente uns 18 grandes terremotos (de 7,0 a 7,9 na escala de Richter) e un terremoto xigante (8 ou por riba).

Entre os efectos dos terremotos están a vibración do solo, abertura de fallas, deslizamentos de terra, tsunamis, mudanzas na rotación da Terra, alén de efectos destrutivos en construcións feitas polo home, resultando en perda de vidas, feridos e altos prexuízos financeiros e sociais (como o desabrigo de poboacións enteiras, facilitando a proliferación de doenzas, fame, etc).

O maior terremoto rexistrado foi o Gran Terremoto do Chile en 1960 chegando a 9,5 na escala de Richter, seguido polo Terremoto do Océano Índico 2004, que rexistrou 9,1 na mesma escala.


Véxase tamén[editar | editar a fonte]

Commons
Commons ten máis contidos multimedia sobre: Terremoto

Outros artigos[editar | editar a fonte]