Aeroporto de Aalborg

Aeroporto de Aalborg
	Aalborg (pt)
	Instancia de aeroporto; aeródromo de tráfico comercial
	Nome curto Aalborg
	Epónimo Aalborg
	Estado de uso en funcionamento
Características
	Forma xurídica Andelsselskab med begrænset ansvar (en)
Datas
	Inauguración 29 de maio de 1938
Transporte
	Ofrece servizo a Aalborg
	Estación de intercambio Aalborg Lufthavn Station
	Pistas de aterraxe 08L/26R; lonxitude: 2.654 m; amplitude: 45 m; material: asfalto; 08R/26L; lonxitude: 2.549 m; amplitude: 23 m; material: asfalto;
Cifras e dimensións
	Altitude 3 m
	Clientela 1423024 (2023)
Localización
	Situado en Aalborg (pt) , Xutlandia do Norte, Dinamarca, Reino de Dinamarca
	Enderezo Ny Lufthavnsvej 100, 9400 Nørresundby
	Coordenadas 57°05′34″N 9°50′57″L / 57.092777777778, 9.8491666666667
Código postal
Códigos e identificadores
Código postal
Código postal	9400
Freebase	/m/08l0bz
IATA	AAL
ICAO	EKYT
Fontes e ligazóns
	Páxina WEB aal.dk
	Correo mailto:info@aal.dk
	Wikidata C:Commons

O aeroporto de Aalborg (IATA: AAL, OACI: EKYT) é un aeroporto civil e militar dinamarqués situado en Nørresundby, no municipio de Aalborg. Atópase a 6,5 quilómetros ao noroeste de Aalborg.

Historia

A historia da aviación comercial en Aalborg comeza o 4 de setembro de 1936 cando se inaugura a primeira ruta doméstica do país, entre Aalborg e Copenhague. Os avións Fokker F VII aterraban no aeródromo dunha fábrica de cemento en Rørdal. Grazas ao éxito da ruta as autoridades da cidade decidiron construír un aeroporto e este inaugurouse o 29 de maio de 1938. En xuño dese ano comezou a operar unha ruta cara Hamburgo e no ano seguinte outra cara Kristiansand.^[1]

Durante a segunda guerra mundial foi ocupado polos alemáns e usado pola Luftwaffe. Os escuadróns 3º e 5º do Bordfliegergruppe 196 (grupo aéreo embarcado) usaron Aalborg como base para voos de recoñecemento, para transportar destacamentos que servían na mariña alemá e como escala para os voos entre Alemaña e Noruega.^[1]^[2]

Os alemáns destruíran os edificios do vello aeroporto civil, e rematada a Royal Air Force británica fixo o mesmo coas instalacións alemás. Así que aeroporto comezou a operar novamente a ruta cara Copenhague en xuño de 1945 usando como terminal de pasaxeiros a antiga estación de bombeiros alemá. En 1946 o goberno danés tomaría o control da meirande parte dos aeroportos do país, incluído o de Aalborg.^[1]

Nos anos seguintes abriríanse rutas cara Aarhus, Gotemburgo, Kristiansand, Stavanger, Oslo, Ámsterdam e Londres, aínda que a meirande parte dos servizos internacionais só operarían por curtos períodos de tempo.

En 1997 o aeroporto foi transferido aos 13 municipios da rexión do norte de Xutlandia. A terminal actual inaugurouse o 29 de maio de 2001. O aeroporto ampliouse durante os anos 2007 e 2013, incrementando o tamaño da terminal e o número de portas de embarque.^[1]

Aeroliñas e destinos

Aeroliñas	Destinos
Atlantic Airways	Estacional: Vágar
British Airways operado por SUN-AIR	Humberside, Oslo-Gardermoen
Danish Air Transport	Estacional: Bornholm
KLM operado por KLM Cityhopper	Ámsterdam
Norwegian Air Shuttle	Copenhague, Londres-Gatwick, Málaga Estacional: Gran Canaria, Palma de Mallorca
Primera Air	Málaga, Palma de Mallorca Estacional: Antalya, Chania, Fuerteventura, Gran Canaria, Rodas, Roma-Fiumicino, Tenerife-Sur
Ryanair	Londres-Stansted
Scandinavian Airlines	Copenhague, Oslo-Gardermoen Chárter estacional: Chania, Corfú, Gazipaşa, Gran Canaria, Malta, Rodas, Tenerife-Sur, Varna
Vueling	Estacional Barcelona

Véxase tamén

Ligazóns externas

Web do aeroporto

Notas

1 2 3 4 Aalborg Lufthavn (ed.). "Aalborg Airport history". Consultado o 2 de decembro de 2017.
↑ Felgrau.com (ed.). "Bordfliegergruppe 196". Consultado o 2 de decembro de 2017.

[Aalborg_Airport_history-1] 1 2 3 4 Aalborg Lufthavn (ed.). "Aalborg Airport history". Consultado o 2 de decembro de 2017.

[2] Felgrau.com (ed.). "Bordfliegergruppe 196". Consultado o 2 de decembro de 2017.

[1]

[2]