Aerolíneas Federales

Aerolineas Federales
Orixe	Vigo, Galicia
Período	1986 - 1989; 2011 - presente
Xénero(s)	pop rock
Membros	Miguel Costas; Flechi; Silvino Díaz; Coral Blázquez; Rosa Costas; Silvia Superstar
Na rede
	https://web.archive.org/web/20160304115615/http://www.aerolineasfederales.com

Aerolíneas Federales é un grupo musical formado en Vigo na década dos 80.

Historia[editar | editar a fonte]

Formado en Vigo en 1981 por Miguel Costas, e os seus amigos Flechi e Silvino^[1]. Nos seus inicios traballaban con guitarra, baixo e caixa de ritmos. A partir de 1983 incorpórase ao grupo un batería e Flechi pasa a ser cantante da Banda. Ese mesmo ano, gañan o concurso de rock de Radio 3 na Coruña e Flechi abandona a banda para liderar a formación As termitas. Flechi morreu dun infarto en Londres no ano 2002.

A seguinte formación da banda está composta por Miguel Costas, Silvino, Luís e dúas mozas Coral e Rosa, realizando cancións con guitarras potentes e letras divertidas e nalgúns casos surrealistas.

Coral desapareceu e foi substituída por Silvia; Miguel Costas acabou índose tamén; o grupo completo desapareceu a mediados dos 90, logo dunhas colaboracións no programa Xabarín Club, da televisión de Galicia. Miguel Costas formou o grupo Os Feliz^[2], mentres que Silvia engadiuse Superstar e foise ás Killer Barbies.

Na primavera do ano 2011 a banda reuniuse novamente para realizar dous concertos en Lima, e no mes de novembro confirmaron unha nova actuación en Barcelona. Ademais, a principios do 2012 editarase unha colección de maquetas do grupo, titulada Hasta el final y más allá… Demos 1983-1993^[3].

Discografía[editar | editar a fonte]

O grupo sacou ó mercado cinco discos ó longo da súa carreira^[4]:

Notas[editar | editar a fonte]

↑ Biografía de Aeorlíneas Federales
↑ "Aerolíneas Federales na páxina POPes80". Arquivado dende o orixinal o 28 de abril de 2009. Consultado o 03 de febreiro de 2010.
↑ Rebenaque, Juan (02 de novembro de 2011). "Vuelve Aerolíneas Federales" (en castelán). Arquivado dende o orixinal o 03 de novembro de 2011. Consultado o 03 de novembro de 2011.
↑ "Discografía". Arquivado dende o orixinal o 24 de xaneiro de 2010. Consultado o 03 de febreiro de 2010.