Adelio Dell'Oro
  | |
| Biografía | |
|---|---|
| Nacemento | 31 de xullo de 1948 (75 anos) Milán, Italia |
| 3º Bispo diocesano | |
| 31 de xaneiro de 2015 – ← Janusz Kaleta (en)  Diocese: Diocese de Qaraghandy (pt) | |
| Bispo titular | |
| 7 de decembro de 2012 – Diocese: Diocese of Castulo (en) | |
| Administrador apostólico | |
| 7 de decembro de 2012 – 16 de maio de 2015 Diocese: Apostolic Administration of Atyrau (en) | |
| Datos persoais | |
| País de nacionalidade | Italia |
| Relixión | Igrexa católica |
| Actividade | |
| Ocupación | bispo católico (2013–), sacerdote católico (1972–) |
| Lingua | Lingua italiana |
| Consagración | Angelo Scola (pt) |
 | |
Adelio Dell'Oro, nado en Milán o 31 de xullo de 1948, é un eclesiástico católico latino, dende 2015 bispo de Qarağandı.
Traxectoria[editar | editar a fonte]
Primeiros anos[editar | editar a fonte]
Naceu en Milán, capital da provincia homónima e sé arcebispal, o 31 de xullo de 1948. En 1959 entrou no seminario menor milanés, e a partir de 1967 no seminario maior, completando os seus estudos na Facultade de Teoloxía do Norte de Italia. O 28 de xuño de 1972 foi ordenado sacerdote diocesano polo cardeal Giovanni Umberto Colombo.
Logo da súa ordenación foi vigairo parroquial na parroquia de Santo André de Milán entre 1972 e 1983, e vigairo parroquial na parroquia de Santa María Asunta de Buccinasco entre 1983 e 1997. Ao mesmo tempo foi profesor de relixión en varias escolas, entre 1974 e 1997.
En 1997 foi enviado fidei donum a Casaquistán, onde foi director do seminario interdiocesano de Qarağandı e director de Cáritas entre 1997 e 2007, e párroco en Vïşnevka e colaborador da nunciatura apostólica e profesor de teoloxía no seminario entre 2007 e 2009.
En 2009 volveu a Italia e foi nomeado encargado do colexio Guastalla de Monza e asistente diocesano de Comuñón e Liberación, entre 2010 e 2012. Nestos anos viviu na parroquia de San Zenón de Cambiago.
Pontificado[editar | editar a fonte]
O 7 de decembro de 2012 foi nomeado polo papa Bieito XVI administrador apostólico de Atıraw e bispo titular de Castulo. Recibiu a consagración episcopal o 2 de marzo de 2013 de mans do cardeal Angelo Scola, e tivo como co-consagrantes ao arcebispo emérito de Milán Dionigi Tettamanzi e ao arcebispo de Santa María en Astana Tomasz Peta.
O 31 de xaneiro de 2015 o papa Francisco nomeouno bispo de Qarağandı.
