Adalia decempunctata

Adalia decempunctata
Adalia decempunctata. Forma typica Larva de Adalia decempunctata
Clasificación científica
Dominio: Eukaryota Reino: Animalia Filo: Arthropoda Clase: Insecta Orde: Coleoptera Infraorde: Cucujiformia Familia: Coccinellidae Xénero: Adalia Especie: Adalia decempunctata (Linnaeus, 1758)
Sinonimia
Adalia (Adalia) decempunctata (Linnaeus, 1758) Coccinella decempunctata Linnaeus, 1758 Coccinella decempustulata Linnaeus, 1758 Coccinella guttatopunctata Linnaeus, 1758 Coccinella bimaculata Pontoppidan, 1763 Coccinella quadripunctata Linnaeus, 1767 Coccinella sexpunctata Linnaeus, 1767 Coccinella tredecimmaculata Forster, 1771 Coccinella octopunctata Fabricius, 1775 Coccinella pantherina DeGeer, 1775 Coccinella didyma O.F. Müller, 1776 Coccinella austriaca Schrank, 1777 Coccinella flava Goeze, 1777 Coccinella variabilis Fabricius, 1777 Coccinella subpunctata Schrank, 1781 Coccinella bipustulata Herbst, 1783 Coccinella humeralis Schaller, 1783 Coccinella marginata Thunberg, 1784 Coccinella tredecimnotata Thunberg, 1784 Coccinella bimaculosa Herbst, 1786 Coccinella biguttata Fabricius, 1787 Coccinella limbata Gmelin, 1790 Coccinella lunigera Brahm, 1790 Coccinella mutabilis Gmelin, 1790 Coccinella thunbergi Gmelin, 1790 Coccinella ulmi Olivier, 1791 Coccinella unifasciata Scriba, 1791 Coccinella varians Olivier, 1791 Coccinella lutea Rossi, 1794 Coccinella marginella Thunberg, 1795 Coccinella sexmaculata Thunberg, 1795 Coccinella similata Thunberg, 1795 Coccinella tricuspis Thunberg, 1795 Coccinella lunularis Marsham, 1802 Coccinella marginepunctata Marsham, 1802 Coccinella curvipustulata Haworth, 1812 Coccinella lunaepustulata Haworth, 1812 Coccinella clathrata Schaufuss, 1862

Adalia decempunctata, a maruxiña de dez pintas, é un coleóptero carnívoro da familia Coccinellidae.

Esta foi unha das moitas especies descritas orixinalmente por Carl Linné na súa obra do século XVIII Systema Naturae, co nome orixinal de Coccinella decempunctata. O seu nome específico en latín, decempunctata significa 'de dez pintas', aínda que o seu número de pintas é variable.

Variedades

As variedades (varietas) inclúen:

• Adalia decempunctata var. lutea (Rossi)
• Adalia decempunctata var. quattuorpunctata (Linnaeus)
• Adalia decempunctata var. octopunctata Müller
• Adalia decempunctata var. lateripunctata Gradl.
• Adalia decempunctata var. humeralis Schaller
• Adalia decempunctata var. guttatopunctata (Linnaeus)
• Adalia decempunctata var. decempustulata (Linnaeus)
• Adalia decempunctata var. bipustulata Herbst

Distribución

Adalia decempunctata é unha especie paleártica común que se atopa en Europa, Norte de África, Rusia europea, o Cáucaso, Siberia, Belarús, Ucraína, Moldavia, Transcaucasia e Asia occidental.

Descrición

Adalia decempunctata pode acadar unha lonxitude corporal duns 3,5-5 mm. Esta especie é moi variable. Pode ter unha cor de fondo vermella, laranxa ou marrón e entre 0 e 12 pintas escuras elitrais, aínda que en casos raros se atoparon exemplares con máis pintas, ata 15. Teñen un corpo glabro cunha forma case redonda. As patas e antenas son xeralmente marróns ou laranxas. A especie inclúe oito varietas, con tres formas básicas. As formas claras presentan de 5 a 7 pintas negras no pronoto e varias pintas negras nos élitros laranxa-vermellos. A forma escura é principalmente negra ou marrón, e o pronoto ten unha beira clara polos lados e a parte frontal. A forma mixta ten cor negra ou marrón nos élitros, cada un con cinco pintas laranxas ou vermellas. Ás veces estas maruxiñas non teñen pintas en absoluto.

Bioloxía

Aparece en bosques de frondosas do oeste de Europa, bosques caducos do leste, bosques mixtos sarmáticos e nos límites de bosques, e en parques e xardíns, páramos e nos biótopos da estepa eurasiática e estepa de Pannonia. Atópase en arbustos e árbores caducas, sobre herbas, baixo cascas de árbores, en musgos que crecen sobre árbores, en follas caídas, en matos, no cronoxilo e en solos aluviais.

A especie aliméntase de áfidos sobre árbores e arbustos. Os adultos pasan o inverno entre follas caídas e outros restos.

Galería

• 
  Adalia decempunctata decempunctata
• 
  Adalia decempunctata var. bipustulata
• 
  Adalia decempunctata var. octopunctata
• 
  Adalia decempunctata var. guttatopunctata
• 
  Variante negra
• 
  Forma pouco común
• 
  Forma pouco común
• 
  Forma pouco común

Notas

---

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---