Aarón Rey
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 19 de maio de 1998  (26 anos)Ferrol, España | ||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
Aarón Rey Sánchez, nado en Ferrol o 19 de maio de 1998, é un futbolista galego que xoga de centrocampista na Cultural Leonesa, da Primeira División RFEF.
Traxectoria
[editar | editar a fonte]Nado no barrio ferrolán de Caranza, formouse como futbolista na canteira do principal club do barrio, o Galicia de Caranza, onde tamén xogara seu pai José Ángel.[1] Aos 17 anos ingresou no equipo xuvenil do Racing de Ferrol, onde militar unha soa tempada, chegando a debutar co primeiro equipo na Segunda División B da man de Miguel Ángel Tena, nun partido ante o Tudelano no que substituíu no cuarto de hora final a Héber Pena.[2]
En 2016 chegou ás Instalacións Deportivas da Madroa para incorporarse ao xuvenil do Celta de Vigo, co que se proclamou campión da División de Honra e foi semifinalista da Copa de Campións. Nas dúas campañas seguintes formou parte do equipo filial, co que disputou 34 partidos na Segunda B.[3]
En xullo de 2019 fichou polo Sabadell, tamén de Segunda B.[3] Na súa primeira tempada conseguiu o ascenso a Segunda División, contribuíndo cun total de 27 partidos, 20 deles como titular. O equipo catalán non conseguiu a permanencia na seguinte campaña, caendo á nova Primeira División RFEF. Aarón Rey militou unha terceira tempada no equipo, acadando os 91 partidos e 2 goles.
Na tempada 2022/23 vestiu a camiseta do Gimnàstic de Tarragona,[4] sumando 34 partidos e un gol, e en xullo de 2023 fichou pola Cultural Leonesa.[5]
Notas
[editar | editar a fonte]- ↑ "«Viejos conocidos»" (en castelán). 20 de marzo de 2018. Consultado o 3 de maio de 2024.
- ↑ "La cantera se reivindica con el debut de Aarón Rey en A Malata" (en castelán). 3 de abril de 2016. Consultado o 3 de maio de 2024.
- ↑ 3,0 3,1 "Aarón Rey fichó por el Sabadell tras dejar el Celta" (en castelán). 30 de xullo de 2019. Consultado o 3 de maio de 2024.
- ↑ "Aarón Rey, quinto fichaje grana 2022-2023" (en castelán). 20 de xullo de 2022. Consultado o 3 de maio de 2024.
- ↑ Pérez Cillero, Diego (7 de xullo de 2023). "La Cultural oficializa el fichaje de Aarón Rey" (en castelán). Consultado o 3 de maio de 2024.
| Control de autoridades |
|
|---|
