Vasylii Ihor Medvit
Biografía | |
---|---|
Nacemento | 23 de xullo de 1949 (74 anos) Przemyśl, Polonia (pt) |
Bispo auxiliar | |
17 de marzo de 2009 – 25 de outubro de 2013 Diocese: Ukrainian Catholic Archiepiscopal Exarchate of Donetsk (en) | |
Bispo auxiliar | |
30 de marzo de 1994 – 30 de setembro de 1996 | |
Bispo titular | |
30 de marzo de 1994 – Diocese: Hadriane (en) | |
Abade | |
Datos persoais | |
Relixión | Igrexa católica e Igrexa católica bizantina ucraína |
Actividade | |
Ocupación | bispo católico (1994–), sacerdote católico (1984–) |
Consagración | Myroslav Ivan Liubachivskyi |
Vasylii Ihor Medvit (en ucraíno: Василій Ігор Медвіт; en polaco: Wasyl Ihor Medwit), nado o 23 de xullo de 1949 en Przemyśl (RP de Polonia), é un relixioso grecocatólico ucraíno, bispo curial da arquieparquía maior de Kíiv-Galicia dende 2004.
Traxectoria[editar | editar a fonte]
O 2 de febreiro de 1980 profesou como membro da Orde de San Basilio Magno, facendo os votos solemnes o 1 de xaneiro de 1984. Foi ordenado sacerdote polo papa Xoán Paulo II o 31 de maio do mesmo ano. Até 1986 foi vicepresidente do Pontificio Colexio Ucraíno de San Xosafat de Roma, e posteriormente volveu a Polonia, exercendo o seu ministerio nas parroquias ucraínas de Banie Mazurskie e Kruklanki até 1989.
O 30 de marzo de 1994 foi nomeado bispo auxiliar de Lviv e bispo titular de Hadriane. Recibiu a consagración episcopal de mans do arcebispo maior de Lviv Myroslav Ivan Liubachivskyi o 12 de xullo. A finais de 1996 foi nomeado visitador apostólico para os fieis ucraínos de Casaquistán e o Asia central.
O 20 de setembro de 1997 foi nomeado exarca arquiepiscopal de Kíiv-Vyshhorod, cargo que ocupou até o traslado da arquieparquía maior a Kíiv, pasando a ser bispo curial da mesma o 6 de decembro de 2004. Entre 2001 e 2004 foi tamén secretario do Sínodo dos Bispos da Igrexa católica ucraína.
O 17 de marzo de 2009 foi nomeado bispo auxiliar de Donetsk-Kharkhiv, até a súa renuncia o 25 de outubro de 2013.